Albistea entzun

EKOGRAFIAK

Askari oparoa zalearentzat

Juan Luis Zabala -

2021eko maiatzak 28

Amaitzetik gertu da Italiako Giroa eta, ez Mikel Landa erori eta erretiratu ez balitz bezainbeste seguru asko, baina txirrindularitza zaleok gozatzen ari gara hari begira. ETB1en bidez jarraitzen dugunontzat lagungarri dugu, horretarako, Fermin Aramendik, Xabier Usabiagak, Alfontso Arroyok eta Alessandro Rutak egunero prestatzen duten saioa, Ez da Giro!. Etapa amaitu eta are podiuma hustu eta gero ere, ez da aitzakiarik falta, astirik eta aukerarik izanez gero behintzat, telebista aurrean geratzeko: Usabiagaren erudizio orekaz transmititua, Italiari eta haren historiari eta zinemari buruzko Rutaren azalpen kultuak, txirrindularitzaren munduko profesionalen, profesional ohien eta beste pertsonaia interesgarri batzuen etapari buruzko komentarioak eta haiei egindako elkarrizketak, Oroitzapenak, Besaulkitik, Zaleen erreleboa eta Esprinta sailak... Ahaleginaren faltan ez dute zorrik Ez da Giro!-ren arduradunek, eta ahaleginaren emaitzari aitzakia gutxi jar lekioke. Askari oparoa gose geratu den zalearentzat.

Ikuslearen aldetik, saioak daukan arazorik handiena da egunari zati handia kendu behar diola etapaz gain haren osteko saioa ere osorik ikusiko badu, baina begira gelditzerik daukanak, txirrindularitza zalea baldin bada bederen, aurkituko du zerekin entretenitua eta zer ikasia.

Saioaren aberastasun nagusietako bat da euskal txirrindularitza gertuagotik eta sakonago ezagutzeko aukera ematen duela, une honetan munduan dagoen ekitaldi nagusia aitzakiatzat hartuta —eta Italiari ere begiratzeari utzi gabe— bertako txirrindularitza, txirrindulari ohiak, txirrindulariak eta beste profesional edo zale esanguratsu batzuk pantaila aurrera ekarrita, ahal den neurrian. Mundu gero eta globalizatuagoan, eskertzekoa gertatzen da, horretarako aitzakia nazioarteko ekitaldi garrantzitsua bada ere, bertakoari gertutik begiratu ahal izatea.

Lerro hauek idazteko garaian, orain arteko lider sendoa indarrik gabe eta ezinean ikusi berriak gara, aurkari batzuei ezin jarraituta, eta artikulua argitaratzen den egunean egiaztatu beharko da egun bateko txakalaldia izan duen ala zerbait larriagoa. Halakorik ez zela uste zenean emozio pittin bat gorde baitu amaierarako Giroak, ETB1eko saioaren izenari ohore egin nahiko balio bezala.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.

Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.