Albistea entzun

EKOGRAFIAK

'Small is beautiful'

Miren Manias -

2018ko ekainak 29

Mundua txikia da. Hiru egun igaro ditut Sabhal Mòr Ostaig (SMO) ikasketa zentroan, Skye uhartean (Eskozia). SMO eskoziar gaelikoaren eta kulturaren gune nazionala da. Musikari, literaturari eta komunikazioari lotutako unibertsitate ikasketak eskaintzen dituzte gaelikoz.

Sophie Stephenson 27 urteko dantzari eskoziarra da. Inverness ingurukoa da, herri txiki batekoa. Unibertsitatean zebilela ikasi zuen gaelikoa —arbasoen jatorrizko hizkuntza ezagutu nahi zuelako—, eta orain SMOn egiten du lan. Marketin arduraduna da; sare sozialak eta bisitariekin harremanak lantzen ditu. Bitxia da: Stephenson Euskal Herrian bizi izan zen hiru hilabetez, Donostiako Kultura Hiriburuaren barnean antolatutako Tosta izeneko ekimenean parte hartzeko. Euskaraz hitz egiten hasi zitzaidan, Twitterren; nik ikasketa zentroa argazki batean etiketatu ondotik. Hura ezustekoa!

Beñat Muguruza 31 urteko filologian doktore euskalduna da. SMOn ezagutu nuen lehen aldiz, 2013ko maiatzean. Ikerketa egonaldian zen Muguruza, eta hara joan aurretik nik ez nuen bera ezagutzen. Ordutik, harremanetan jarraitu dugu. Hain justu, eskolaren argazki bat bidali nion astelehenean. «Ze ona! Eskuminak horko jendeari», eskatu zidan. Nik ez nituen bere lagunak ezagutzen, baina gauzak zer diren: Muguruza aipatu zuten bazkalorduan.

Graeme Macrae idazle eskoziarra da; tartean, The Disappearance of Adèle Bedeau, The accident on the A35 eta His Bloody Project nobelak idatzi ditu. Glasgowra etorri aurretik ezagutu nuen Macrae, komunean dugun lagun baten bitartez. Asteazken gauean, SMOn, telebista piztu nuen. BBC Alba katean utzi nuen —gaelikoz bada ere, ingelesezko azpitituluak erabiltzen dituzte— eta hara nor agertu zen: Macrae. Sar-sgeoil saioan haren His Bloody Project liburu ospetsua landu zuten; 1869an, Applecross-en (Wester Ross) gertatutako hilketa odoltsuaren testuari irudiak erantsita. Cathy MacDonald aurkezleak Graemeren istorioaren lekuak bisitatu zituen, idazlearen ikerketa eta fikzioaren zehaztasuna aztertzeko: leku ikusgarriak, gazteluak, presondegiak, jauregiak... Literatura adituekin, psikiatra batekin, bertakoen eta autorearen adierazpenekin osatu zuten saioa. Bikain.

Txikia izatea gauza ederra da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.
 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.
Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...