EKOGRAFIAK

'Etxekoak'

Miren Manias -

2020ko maiatzak 8

Azken egunotan eguraldi ona egin du, eta, balkoia dugunok denbora gehiago eman dugu bertan. Nik, kasurako, bulegoa eraman dut balkoira hainbat orduz. Denetarik ikusi dut bertatik: egunkaria irakurtzen batzuk, eta beste batzuk kartetan jolasten, adibidez. Behatzetako azazkalak mozten ere harrapatu dut nor edo nor. Une horietako batean, bizilagunarekin solasaldia izan nuen. Balkoitik balkoira. Komentatu zidan telebistaz aspertuta dagoela, etengabe eta kate ia guztietan gai berdinaz hitz egiten ari direlako. Eta horregatik, musikarekin entretenitzen da orain. Marisol abeslariaren kantak jarri dizkigu azken egunotan. Bolumen osora.

Esan nion Etxekoak euskarazko telesaila ikusteko. Asteazken gauetan (22:30) ematen dute, ETB1en. Nahieran zerbitzuan ere eskuragarri daude lehen bost atalak. 45 minutu ingurukoa bakoitza. Konfinamenduari buruzkoa da, ados, baina umorea du ardatz eta horrek laguntzen du.

Hasieratik jarraitzen ari natzaio pista telesail berri horri. Esango nuke ataletik atalera maila igo duela. Bai edizio aldetik, baita gidoi aldetik ere. «Kariño falta» duten gizonezkoen arteko elkarrizketa birtualak ikusi ditugu, baita kezka berdinak partekatzen dituzten emakumezkoenak ere. Hori bai, genero bakoitza bere aldetik elkartu da horietaz hitz egiteko. Etxeko leihotik polizia lanak egiten dituen bizilaguna ere ez da faltatu. Edota bizikleta estatikoaren gainean ordu gehiegi egiteagatik ipurdian fistula atera zaion laguna. Egunak asper-asper eginda pasatzen dituen neska gaztea ere ezagutu dugu. Baita lanik gabe geratu edo soldata murriztu dieten lagunak ere. Telesail horri esker ere jakin dugu zergatik aurkitu ditugun konfinamendu garaian alkoholaren apalak erdi hutsik supermerkatuan.

Etxekoak-ek jende arruntaren etxeetan gertatzen diren istorioak kontatzen ditu. Bakoitzaren etxeetatik, hain zuzen. Eta, esan beharra daukat, dekorazio pistak hartu ditudala telesaila ikusi bitartean. Irudiek testuaren ia indar bera hartzen baitute. Horri lotuta, faltan sumatu ditut aldarrikapenezko mezuak dituzten kamisetak, koadroak, margoak... Etxeetan zein protagonisten jantzietan. Bikote homosexualak edo ezkongabeko aiten eta amen hutsunea nabaritu dut. Ezustekoz hartu dut, ordea, atal bakoitzaren amaierako editoriala.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Athleticeko sei jokalarik positibo eman dute

Berria

PCR probak egin dizkiete futbol jokalariei eta klubetako langileei. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio lehen arretako zentroen egoerari konponbide bat emateko

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna