Albistea entzun

EKOGRAFIAK

Feminista naiz baina...

Juan Luis Zabala -

2021eko urtarrilak 26

Esan beharrik ere ez dago berripaper honen ildo editoriala feminista dela. Nik, oro har, bat egiten dut ildo horrekin, eta bat nator, ideologikoki eta teorian behintzat, feminismoaren ideia nagusiekin. Horrenbestez, bat nator Aitziber Zapirain Etxanizek zuzendu, Antxeta Irratiak ekoitzi eta hainbat webgunetan ikusgai dagoen Arduraz komunika dezagun dokumentaleko iritzi eta ikuspegi gehienekin. Baina...

Luzea iritzi diet irauten dituen 68 minutuei, entzun dudan gehiena lehendik ere entzuna nuelako eta entzuten diren iritziak oso antzekoak direlako, denak ildo berekoak. Susmoa dut antzeko zerbait gertatuko zaiela ikusle askori, gehienak «astotik jaitsitakoak» izango baitira, dokumentalean erabiltzen den esamolde batez esanda. Hobe oker banago, baina bestelako ikusle askorik ez duela izango iruditzen zait.

Zalantzarako eta debaterako tarte gutxiegi ematen du dokumentalak. Adibide batekin azaltzen saiatuko naiz. Hainbatetan aipatzen da «gizon portatu» esamoldea, tradizioz portaera zintzo eta onesta adierazteko erabilia. Logikoa da esamoldea gaitzestea, emakumea bazter uzten duen gizontasunaren laudorio inplizitua denez. Poema batean irakurri nuen lehen aldiz esamolde horren gaitzespena, ironiaz adierazia: «Eta ez hadi gero gizon portatu»; Gerardo Markuleta zen poeta, Jon Iriberri ezizenez artean ere, 1994an. Harrezkero uko egiten diot «gizon portatu» esamoldea erabiltzeari, pena eman bazidan ere, etxean ikasia baita, emakumeek maiz erabilia eta laudorioa adierazteko modu indartsua. Bada, ordea, ikuspegi feministatik egiten zaion kritikaren berri izan arren, «gizon portatu» esamoldeari eusten dionik, eta interesgarria litzateke horien iritzia ezagutzea. Euskaltzaindiarena ere bai, ez baitu esamoldea bere hiztegitik kendu.

Euskaraz aritzen diren emakume kazetariek hizkuntzaren erabileraz dituzten kezkak ondo azaltzen ditu dokumentalak, baina, ikusle moduan, monotonoegia iruditu zait, errepikakorra, eta gusturago ikusiko nukeen debatera lerratuago balego. Dokumentaleko une batean, Amelia Barquinek azaltzen du inori aurrez egindako gomendio sorta bat ematea baino eraginkorragoa dela elkarrekin egindako hausnarketa eta debatea, eta horretxen falta sumatu dut dokumentala ikustean, debatearena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©ANDONI CANELLADA / FOKU

«Gustatzen zait zuzentasunetik pixka bat aparte ibiltze hori»

Olatz Enzunza Mallona

Itxialdian hasi zen Antton Telleria bakarrizketak idazten. 'Barre Librea' saioan aurrenekoa egin ondoren, 'Nekatutak' izeneko bakarrizketa aurkeztu du. Askotariko gaiak hartu ditu hizpide.
1 ©ZUBIAURRE SENDIA / EZEZAGUNA

Andre begiz, klik

Urtzi Urkizu

Euskal Herriko estudioetan argazkigintzan aritu ziren lehen andreak Madame Moreno eta Beatriz de Azpiazu e Iztueta izan ziren; lehen argazkilari afizionatua eta aitortua, Eulalia Abaitua. Historialariek diote argazkigintzan aritu ziren andre aitzindari asko itzalean gelditu direla.
Ainhoa Artetxe aktorea, bizkarrez, <em>Ekilibrismoaren artea</em> dokumentalaren fotograma batean. ©BEGIRA BIDEOAK

Lau sortzaile garai zailetan

Urtzi Urkizu

ETB1ek Bilbon girotutako 'Ekilibrismoaren artea' dokumentala estreinatuko du gaur, 23:15ean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna