Albistea entzun

EKOGRAFIAK

Arrakastaren zikloa

Lander Arretxea -

2021eko azaroak 5

Arrakasta eguraldia bezalakoa da. Egin daitezke mila tesi, azterketa eta datu pilaketa. Baina hori guztia txukun eginda ere, askotan, ez da asmatzen. Are gehiago, —ez dago azken urte honetako eguraldi iragarpenak ikusi besterik— inoiz gutxitan betetzen da esperotako hori. Gehien-gehienetan, bogan izango den formula berri bat aurkitzen duenak erdi nahi gabe asmatzen du; intuizio bati segika, baina egiten ari den horrek izango duen oihartzunaren tamaina usaindu gabe. Gero bai, batek asmatu orduko, laster batzen da kopiatu, egokitu, berrasmatuko duen oldea. Kasurik onenean, arrakasta hori zabalduz, harik eta formula agortzen den arte.

Euskarazko ikus-entzunezkoetara etorrita, —eta eguraldi petralarekin batera pesimista samar agertzea baimentzen badidazue— ziklo horren bukaera partean gaudelakoan nago. Bai ohiko telebistan, baita sareko edukiei dagokienez ere. Azken bizpahiru urteetan, oso saiakera gutxi bihurtu dira benetan arrakastatsu: lagunarteko hizketagai, trending topic —literalki zein metaforikoki—. Telebistan, Hondar ahoak, Ur handitan eta Baserria har daitezke, izatekotan, salbuespentzat. Sareko edukietan, DAPAk Miñan liburuaren aitzakian egindako mikrodokumental ederra bururatzen zait soilik. Izan fikzioa, izan lehiaketa, izan umorezko saioa, EITBko edukiek ez dute orain hamarkada bateko nabarmentasuna lortzen. Eta sareetan aspaldi da ezerk ez duela Beranduegi, Super Txope edo IDEMtitateak saioek izandako eragin(txo)a berdindu.

Nostalgia erreakzionarioari bide eman aurretik, komeni da argitzea dena ez dela ilun: bien bitartean, podcast arrakastatsuen loraldia ari gara ikusi eta entzuten; erakunde publikoek gero eta baliabide gehiago jartzen dituzte formatu berriagoetan; eta mainstream plataformetan edukia euskaraz ikusteko aukera izan dezagun borrokan ari den herri-ekimen antolatu eta sendoa daukagu. Ez dira horiek, ordea, euskarazko edukien arrakasta eskasak sor dezakeen kezkaren aringarri bakarrak. Baikorrenek besarka dezaketen beste motibo bat bada: arrakastaren bizitza, eguraldia edo urtaroak bezala, ziklikoa da. Prekaritate orokortua eta plataforma handien konpetentzia testuinguru zaila dira, bai. Baina, lehenago edo beranduago, norbaitek asmatu, eta zikloa berrituko du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU

«Maskulinitate toxikoa jasan izan dut dantzan»

Enekoitz Telleria Sarriegi

Ikerketa koreografiko bat osatu du Gilek: 'Hitzezko hitzak mugimenduan. Fuck you, Bertin!'. Maskulinitate toxikoa eta hegemonikoa ditu hizpide eta kritika: «Eta ez dago horren urrutira joan beharrik horretarako».
1 ©OSCAR BRAKO / EZEZAGUNA

Ezabatzen ari den irudia

Iker Tubia

Negozioen, zerbitzuen edo iragarkien errotuluak, kartelak eta azulejuak herri eta auzoetako kale paisaiaren parte dira; baita haien nortasunaren eta historiaren adierazgarri ere. Ez dutenez inolako babesik, Ondare Grafikoaren Babeserako Iberiar Sarea sortu dute. Tartean dira hiru euskal herritar.
Gaur egungo testuinguruan, Napar elkarteak uste du Nafarroarako plataforma bat garrantzitsua litzatekeela. ©BERRIA

Nafarroarako plataforma bat egin daitekeen beha hasi dira

Urtzi Urkizu

Napar elkarteak txosten bat egin du, foru gobernuak eskatuta. Ontzat jo du lehengo eta oraingo edukiak zabaltzeko plataforma bat

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.