Albistea entzun

IRLEN SAREA

Internetgintza

Gorka Julio -

2021eko azaroak 20

Euskal komunitateak Internet tresna bezala hartu eta horren bidez medio horretan egindako egitasmo sortei dei geniezaioke Internetgintza. Esperimentatzeko aukera handiak eskaini dizkigu, eskaini izan duen askatasunagatik edota beste bide batzuek eskatzen zuten inbertsiorik behar ez zelako, agian.

Beste errealitate batzuetan erabiltzen diren tresnak edo formatuak ekarri izan ditugu maiz, baina ez dute arrakastarik izan bere horretan. Gure errealitate kulturalak askotan egokitzapen handiak behar ditu, adibidez audientzien ikuspuntutik, eta zenbaitek ahalegina bertan behera uztea ere ekarri du horrek. Homologazioa, frustrazio iturri izateaz gain, irteerarik gabeko bidea ere izan daiteke askotan.

Aldiz, beste egitasmo batzuek aurrera egin dute: oparoak dira gaur egun Librezale, Game Erauntsia, hizkuntza teknologien inguruko zenbait ekimen... Hogei urte bete dituztenak ere badira: Sustatu, Armiarma, Euskal Wikipedia...

Zergatik iraun duten galdetzea interesgarria litzateke, akaso. Gehienak beren sorreran euskal komunitateari lotutako atxikimendu batetik jaio direla esango nuke. Batzuek diru laguntzak jaso dituzten arren, dirua egitera guztiz bideratutakorik ez dago. Azkenik, egitasmo horiek beren inguruan momenturen batean komunitate bat eraikitzea lortu izan dute edo aurretik zegoen baten gainean eraiki izan dira. Euskal Internetgintzaren arrakasta nonbait kokatu badezakegu, parametro horietan da.

Bizirauteari arrakasta deitzea gehiegizkoa dirudi, baina ez etsi izanaren seinalea ere bada. Alde batetik frogatua gelditzen da ez dagoela formula bakarrik eta kanpoko formula askok ere ez digutela balio bere horretan; horregatik asmatzen, berritzen, probatzen jarraitu behar dugu. Bestetik, eskala salto bat emateko ere garaia izan liteke, egitasmoak bateratu, hedatu edo zabaltzeko momentua; erronka berriek tamainako apustuak eskatzen dituzte.

Orain hogei urte bete dituztenen ospakizuna izango da. Garaiko olatua ulertu eta bide propioak eraikitzea asmatu zutenena. Internetgintzak, baina, datorrenari itxaron baino gehiago, etortzea nahi dena zer den pentsatu eta ekartzeko prestatu behar du. Datorrenari, etorkizun prefabrikatuari, datorgintza horri, aukeratutako etorkizunen etorgintza bat kontrajarri; hurrengo urteetan ere ospatzen jarraitzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Guztiok gatoz leku beretik: guztiok gara afrikarrak»

Unai Etxenausia

'Geu, afrikarrok' aurkeztu du Arrosagaraik, zenbait gazteren istorioak biltzen dituen erakusketa bat, Gasteizko Montehermoso kulturunean. Otsailaren 26ra arte egongo da ikusgai.
Madrilgo komentu batean

'Marten' hegaldia

Enekoitz Telleria Sarriegi

Francoren erregimenak, Eliza katolikoarekin batera eta Australiako Gobernuarekin tratua eginda, ehunka euskal emakumezko bidali zituen Australiara, 1960ko hamarkadan. Han lana eginaraztea eta aurretik hara bidalitako gizonezkoekin ezkonaraztea zen bidaia haien benetako helburua. 'Marta plana' deitu zioten, eta 'El avión de las novias' dokumentalean jaso dute.

«Misiolari gisa bidali nahi gaituzte»

«Misiolari gisa bidali nahi gaituzte»

Enekoitz Telleria Sarriegi

Natalia Ortiz ikerlariak, besteak beste, Josefina Erezuma bizkaitarraren istorioa jaso du bere ikerketan, Jaime Aberasturi senargaiarekin izan zuen eskutitz trukearen bidez.

 ©OIER ARANZABAL

«Audio plataforma bat sortuko dugu datozen hilabeteetan»

Urtzi Urkizu

Ikus-entzunezkoetarako Primeran iritsiko den moduan, irrati eta audioetarako beste plataforma bat sortuko dute, Goñik iragarri duenez. «Kolaborazioak sustatuko ditugu euskalgintzarekin».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.