Albistea entzun

EKOGRAFIAK

Etxe-barne hila

Juan Luis Zabala -

2020ko azaroak 24

Euskarari buruzko txio-festa handiak izan dira egunotan Twitterlandian, Euskaraldiari buruzkoak ez ezik LOMLOEri buruzko eztabaidaren ondoriozkoak ere. Euskaraldiari buruzkoetan ez bezala, LOMLOEeri buruzkoetan asko eta askotarikoak izan dira euskararen «ez oso aldekoak». Izan da euskarari buruzko ezjakintasun olinpikoa erakutsi duen idazle espainiar ezagunik ere tartean.

 

Txio horietako batean norbaitek —ez dut gogoan nork eta ez dut uste merezi duenik berriro bilatzea— dio Francoren garaian ikastolak sortu zirela, Euskaltzaindia lanean aritu zela eta, hain zuzen ere, Francoren garaian egin zela euskararen batasuna. Hori esanik, kolpe bakar zehatz eta zital batez utzi nahi izan ditu historiatik kanpo hemen Francoren garaian euskararen alde isuritako odol, malko eta izerdi guztiak, alegia deus ez, esanez bezala: «Zertaz kexatzen zarete euskaldunok? Zeuek abandonatu duzue zeuen hizkuntza». Joan Mari Torrealdairen El libro negro del euskera gomendatu behar nion akaso txiolariari, baina ez dut uste irakurriko zuenik.

Txio horren irakurketak are mingarriago egin zidan ostiralean BERRIAren webgunean irakurri nuen albistea: «Eusko Jaurlaritzak telebista bat sortu du adinekoentzat, gaztelaniaz. Agenda Nagusi TV katea Internet bidez ikus daiteke. Jaurlaritzako Berdintasun, Justizia eta Gizarte Politiketarako Sailak aurkeztu du gaur».

Lizardiren Etxe-barne bizia etorri zitzaidan burura, haren prosazko lanik ezagunenetako bat. Bere etxeko gorabeheren berri ematen du artikuluan Lizardik, 1933an, ilunabar bateko familia giro goxoa islatuz. Telebistarik gabe, jakina. Zer esango ote luke orain, bizi balitz, 124 urterekin, jakinik ETBk bere adinkideentzat —eta pixka bat gazteagoentzat— telebista kanala sortu duela erdara hutsean?

Gozoa jarriko zen Koldo Mitxelena ere bere 105 urterekin! Aitzol, Orixe, Lauaxeta, Ixaka Lopez-Mendizabal, Antonio Maria Labaien, Polixene Trabudua, Sorne Unzueta, Andima Ibiñagabeitia, Elbira Zipitria, Eusebio Erkiaga, Martin Ugalde... Zer esanik ez Ramon Labaien! Ez al lukete ustezko gogaideen traizio doilortzat hartuko ETBren jokabidea?

Esango dute berriro ere ez dugula zertan kexatu euskaldunok, geu garela geure hizkuntzari gutxien opa diogunak.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

Agnes Karrasch, Basqe Culinary Centerreko afarian, herenegun. ©BCC

Barrunbeetan kozinatzen dena

Enekoitz Telleria Sarriegi

Culinary Zinemako laugarren egunean eman dute 'She Chef' dokumentala. Agnes Karrasch bekadunak jatetxe izardunetan egindako ibilia kontatzen du. Berak eskaini du afaria BCCn.

 ©BERRIA

Bakarraren buru jana

Enekoitz Telleria Sarriegi

Jatetxe batzuk mugak ezartzen hasi dira otordua egitera bakarka doazenei. Kontrara, geroz eta gehiagok eskatzen dute otordua bakarka egitea. Tartean, jendaurrean jateari fobia diotenak ere badaude: 'solomangarefobia' dute.

 ©KANALDUDE

«Errezeta bera da, baina zapore berria eman nahi diot saioari»

Beñat Mujika Telleria

Sei urte eman zituen Crouspeyrek Euskal Irratietan, eta lehen esperientzia du telebistan, Kanaldudeko 'Harri Salda'-n. Adierazi duenez, bertako «kodeak eta moldeak» ezagutzen ari da.
Euskal bixkotxak erakusgai, aurreko ekitaldi batean, Kanbon. ©JOSEAN GIL-GARCIA

Bixkotxaren usaina

Enekoitz Telleria Sarriegi

Euskal bixkotxaren XX. jaia ospatuko dute gaur eta bihar Kanbon. Lehiaketak, tailerrak eta gastronomia ibilaldiak egingo dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...