Euskarabentura

Bigarren 'jzioquitar' labekada

Pagolara bidean da Euskarabentura espedizioaren bigarren edizioa, gaua Maulen igaro ostean
Euskarabenturako kideak, atzo, Maulen, Mixel Etxebest auzapezarekin batera.
Euskarabenturako kideak, atzo, Maulen, Mixel Etxebest auzapezarekin batera. GUILLAUME FAUVEAU Tamaina handiagoan ikusi

Ane Insausti -

2019ko uztailak 2

Pausoz pauso, abian da Euskarabentura espedizioaren bigarren aldia. Mauletik Pagolarako (Nafarroa Beherea) etapa egingo du gaur goizean, atzo Maulen espedizioa hasi eta gero. Hilabete batez, Euskal Herria zeharkatuko dute 121 gaztek. Gaur, Pagolara bidean, hamabost kilometro osatuko dituzte, Mauleko Jai Alai pilotalekuan gaua pasatu ostean.

Iritsi da laranja koloreko olatua Euskal Herrira. Gazteek ilusioz beteta ekin zioten atzo Euskarabenturari, motxila bizkarrean hartuta. Iazko arrakastaren ondoren, martxan da bigarrenez jzioquitarren espedizioa.

Gazteak hiriburuetan elkartu ziren antolatzaileekin atzo goizean, eta autobusez abiatu ziren Maulera. 09:00etan irten ziren Donostiako, Bilboko eta Gasteizko autobusak, eta Donibane Lohizunen (Lapurdi) eta Iruñean jaso zituzten lehen biek Lapurdiko eta Nafarroako abenturazaleak, hurrenez hurren.

Donostiatik irtendako autobusa iritsi zen lehena Maulera, eta jolasak egiten itxaron zieten falta zirenei. Elkar ezagutuz eta lotsak galduz joan ziren, bazkalordua iritsi arte. Bazkalostean, kamisetak eta biserak banatu zituzten, eta gazteak taldeka jarri ziren.

Aurkezpen ekitaldia egin eta Mauleko plazara jo zuten. Han, Mixel Etxebest auzapezak harrera egin zien, eta argazkia atera zuten harekin. Auzapezak adierazi zuen «ohorea» zela Maule hartzea Euskarabenturaren abiapuntutzat, eta zorte ona opa zien jzioquitar guztiei: «Zuek hemen izatea plazer handia da guretzat».

Afaldu aurretik, antolatzaileek garbiketa eta osasun protokoloak azaldu zituzten, gaur goizetik aurrera martxan jarri ahal izateko.

Gazteek, euskara ardatz

Gazte euskaldunen arteko harreman sare bat sortzea da Euskarabenturaren helburuetako bat. Hainbat errealitate soziolinguistikotako gazteak elkartu, eta hilabetez zeharkatuko dute Euskal Herria, euskara ardatz hartuta. Parte hartzaileen artean, zazpi probintzietako gazteak daude, eta baita Suediako gazte euskaldun bat ere. Xerpen artean, euskaraz ikasten ari den britainiar bat ere badago.

Ekiñe Jusue tuterarra harreman berrien bila joan da espediziora: «Lagun berriak egin eta euskaraz gehiago hitz egitera etorri naiz». Lagunen bidez izan zuen proiektuaren berri. Hasieran zalantza egin bazuen ere, pozik dago izena ematera animatu izanagatik.

Lier Isasi sopelarrak, berriz, iazko argazkien bidez eta telebistan egindako jarraipenaren bidez ezagutu zuen proiektua. Bere kasuan, aitak animatu zuen parte hartzera. Gorputz hezkuntzako irakaslea du aita, eta haren hainbat ikaslek estreinako Euskarabenturan parte hartu zuten iaz. Euskal Herria hobeto ezagutzea eta lagun berri euskaldunak egitea ditu helburu Isasik.

Irea Egaña oñatiarrak, aldiz, jende gehiago ezagutzeko eta euskal kulturaz eta paisaiaz gozatzeko aprobetxatu nahi du hilabetea. Lehen inpresioa «oso ona» izan dela adierazi du Egañak, gazte «atsegin» asko ezagutu baititu dagoeneko, lehen egunean.

Boiseko euskararen aldeko jaian jaio zen Euskarabentura sortzeko ideia, duela urte batzuk. Hilabete luzez espedizioa antolatzen jardun ostean, proiektuak argia ikusi zuen iazko uztailean, eta antolatzaileak oso gustura geratu ziren egindako lanarekin.

Ane Pedruzo antolatzailearen arabera, «amets zoro bat» izan zen iaz espedizioa aurrera atera izana. Aurten iazko ilusio berarekin ekin diote Euskal Herria zeharkatzeko erronkari. 798 kilometroak zeharkatzeko lantaldearengan duten «konfiantza» azpimarratu zuen harrera ekitaldian. Iker Goñi Euskarabenturako elkartekideak gazteak zoriontzeko tartea hartu zuen, aukeratuak izan zirelako. Izan ere, lan bat aurkeztu behar izan zuten jzioquitar gisa parte hartzeko.

Aurten, berrikuntza gisa, Euskarabentura izeneko aplikazio bat jarri dute martxan. Aplikazioan, parte hartzaile bakoitzaren aurkezpen bideoak eta fitxak agertzen dira, eta espedizioa une oro geolokalizatzeko aukera du. Horrez gain, etapa bakoitzaren xehetasunak eta argazki zein bideoak eskegiko dituzte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko Erruki Etxea Nafarroako zahar etxe handiena da eta han pandemiak eragin handia izan du ©Iñigo Uriz

Zahar etxeen tamaina eta kokagunea faktore erabakigarriak izan dira COVID-19aren eraginean

Berria

Nafarroako Gizarte Errealitatearen Behatokiak lurraldeko 74 zahar etxeetan eta 14 menpekotasun zentroetan pandemiaren olatuak izandako ondorioak ikuskatu ditu txosten batean, eta hainbat gomendio eman dizkio gobernuari.

Boris Johnson, rresuma Batuko lehen ministroa, gobernu bilera baino lehen./ ©Neil Hall, EFE

Londresek murrizketa gehiago iragarriko ditu kutsatzeak eragozteko

Arantxa Elizegi Egilegor

Aurreratu dituzten neurrien artean dago tabernak lehenago ixtea eta telelana sustatzea.

Arrauntzeko eskola. Artxiboko irudia. ©Bob Edme

Miarritzeko Andre Maria eskola hetsi dute

Oihana Teyseyre Koskarat

Irakasle batek positibo eman du PCR proban. Pirinio Atlantikoetako departamenduko prefeturak erabaki du eskola hestea.

Ikasle batzuk, Nafarroako ikasgela batean, ikasturteko lehen egunean. ©IDOIA ZABALETA / FOKU

Itzuli orduko, berriz etxera

Irati Urdalleta Lete

Hego Euskal Herrian, 205 eskolatako 348 talde daude bakartuta. Ikastetxeek, besteak beste, ordezkapenak, irakasleentzako PCRak eta protokolo zehatzak eskatu dituzte

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna