EKOGRAFIAK

Galduta (III)

Mikel Alvarez -

2020ko otsailak 13

Joan ziren Arrasateko urteak eta lanean hasi nintzen. Anaia ere Charlie Pace bezain jonki zebilen Lost-ekin, eta astelehen goizero atala eta azpitituluak jaisten zituen, ni lanean nintzen bitartean. Etxera bazkaltzera iristean Eko Jaunak baino hitz gutxiago erabiliz esaten zidan atala ona edo oso ona izan zen —izorrakin batek anaien arteko maitasuna ere apurtu zezakeen Lost-en kasuan—. Hurleyk baino azkarrago bazkaldu eta nire gelan sartzen nintzen pertsianak jaitsi, argiak itzali eta azken atala ikusteko.

Telesaila amaitu zenean negar egin nuen, atala ikusten ari nintzela, eta gero. Nire bizitzako fase bat amaitu izanaren sentsazioa izan nuen —ez naiz txantxetan ari: noraezean geratu nintzen—. Jeijeiren panpina bat erosi eta tenplu txiki bat egin nion mesanotxean (hori gezurra da, baina halako panpina bat baduzue, eskertuko nuke). Etxekoak arduratzen ere hasi ziren telesail madarikatu hark gugan zuen eraginagatik...

Benetan uste duzue halako zoramena eragin dezakeen telesail mitiko-historiko-antologiko-bibliko bat «Ez, hasieratik hilda zeuden eta guztia gezurra zen» esanez amaitu daitekeela? Zuek uste, Charliren greatest hits-ak, Dharmako furgoneta bilatzen duteneko atala, «not Penny's boat», Desmond eta Pennyren arteko amodio hilezkorraren istorioa, Michaelek bizitako purgatorioa, «We have to go back, Kate. We have to go back!», Jack eta Claire anai-arrebak zirela jakin genuenekoa, Juliet zulotik behera erori eta lehergailua zartaraziz guztiak salbatu baina bere buruaz beste egin zuenekoa, The Constant atal ahaztezina —bera bakarrik, arrakastako filma bat izan zitekeena—, Jin eta Sun urpeko ontzian ito zirenekoa, kabroi hark Alex akabatu zuenekoa, Jeremy Benthamen heriotza, Daniel Faradayrena! (denboran bidaiatzearen paradoxak dotoreziaz konpontzearen paradigma behar lukeena). Hurley eta Milesen denboran bidaiatzearen inguruko eztabaidak (zenbat barre egin nuen...), Jacob eta beltzezko gizonaren arteko elkarrizketak, banbu artean Jack Shepard heroia hiltzen ikusi edo Hurley eta Benek irlako zaindari izatearen ardura onartzen duten unea bezalakoak bizi eta gozatu ostean… telesailak horrela amaitu zezakeela? (Jack, Kate eta Sawyerren artekoa baino gehiago luzatu zait esaldia, barkatu). Ba ez, ezin zen horrela amaitu, eta ez zen horrela amaitu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna