Albistea entzun

BIRA

Kontrola

Onintza Enbeita -

2022ko irailak 8

Nik ere batzuetan galdu egiten dut neure buruaren kontrola: txarrerako. Igarri egiten dut nola datorren amorrua hanketan gora eta nola hartzen didan urdaila osorik. Saiatzen naiz han urdailean egon dadin, baina ez dut digestioa egin eta botatzeko modurik aurkitzen. Gorantz igotzen hasten da eta, behin eztarrira iristen denean, kanpora ateratzen da: erremediorik gabe. Amorruak dena apurtzen du kontrolik gabe irteterakoan: esango ez nukeen guztia esaten du, pentsatu ere egiten ez ditudan gauzak berbalizatzen ditu, eta min egiten du. Amorruak min egiten die maite ditudanei eta batzuetan min egite dit neuri ere.

Askotan damutu egiten naiz nire amorruaren kontrola galtzeaz, baina gero arnasa hartzen dut. Eta arnasa hartzen dudanean ohartzen naiz neure buruari amorratzea onartuko banio hala sentitzen duenean, ez nukeela bonba atomikoaren moduan leher egingo eustearen eusteaz.

Amorru txikiak irenstera ohituta gaude: ni bai behintzat. Bordeegia ez izatearren, gatazkarik ez sortzearren... askotan gorde egiten dugu komentario edo tratu desegokiek eragindako ezinegona. Eta azkenean behar ez duenari botatzen diogu gure amorru guztia, eta gero hor egoten gara oilo epelaren moduan. Errazagoa litzateke merezi duenari pozoi dosi txikiak botatzea merezi ez duenari aho betean isuri aurretik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.