BIRA

Ideologia

Onintza Enbeita -

2019ko urtarrilak 23
Pena ematen dio gazte ideologiarik gabeen belaunaldiak. Sutsu egiten diot kontra: ez da egia gazteek ideologiarik ez dutena. Gu gazteagoak ginenean ere, bazegoen egoerari buelta handirik eman gabe bizi zen jendea. Kontua da gu, militatzen genuenak, pilatu egin gintuela haizeak. Orduan, gure artean elkar aspertu arte eztabaidatzen genuen, baina guk, geure artean. Eta orain ere antzera: badira gazte ideologizatuak, ideologizatu gabeak, eta guk nahi ez genukeen ideologia dutenak.

Berak garrantzi handia ematen dio ideologiari. Hori landu behar dela dio, eta berak argi dauka bera ezkerrekoa dela. Begietan irakurtzen du nire hurrengo galdera, edo, askotan egin izanaren poderioz, badaki zein den. Galdetu gabe erantzuten du: nire ideologia ezkerrekoa da, baina botoa eskuinekoa. Eta nik ezin ulertu. Neure moztasunean uler dezaket abstentzioa, ulertzen dut ezkerrarekin haserretzea, ulertzen dut herri honetan gauza askoz hitz egin behar dela oraindik; baina ideologia hain landua eta argia izanda, kosta egiten zait ezkerraren eta eskuinaren arteko muga horrela zeharkatzea. Ezkerrak kudeatzaile onak falta omen ditu. Ezetz esaten diot nik: ideologia kudeaketaren gainetik dagoela. Eta hor isiltzen gara biok, hurrengoan berriz ere abiapuntu beretik abiatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna