Noiz sortua: 2020-01-29 00:30:00

BIRA

Romeo eta Julieta

Onintza Enbeita -

2020ko urtarrilak 29
Gaur bezalako egun batez estreinatu omen zuten Londresen Romeo eta Julieta. Mende batzuk pasatu dira, baina maitasunetik tragediak sortzeko bizioak iraun egin digu. Iraun egin digu literaturan eta iraun egin digu geure oheetan. Ezinezko maitasuna da Romeo eta Julietarena: haien familiak elkarren etsai gogorrak dira. Garaiko gizartea ez eze, oraingoa esplikatzeko ere balio dute Montesco eta Capuletotarrek. Gauza guztien gainetik elkar maite duten gazte bi horiek, hala ere, azkenean, euren buruarekikoak egiten dituzte banatuta ez bizitzearren. Eta niri Hollywoodeko maitasun perfektuen adinako atzerakoa eragiten dit horrek.

Ez da ezer gertatzen maitasuna gauza guztien gainetik ez dagoela onartzearren. Ideologia, familia, giro edo mundu desberdinekoak diren pertsonen arteko harremanek irautea zaila da. Eta hala ere, ez dago zertan inor hil. Munduan jende asko dago, eta gaur maite duzuna batek daki bihar ez duzun gorrotatuko. Aspaldi kantatu zuen Maria Dolores Praderak maitasun txar baten mina ez dela hiltzeko bestekoa.

Maitasun hutsezko istorio arrosarik sortu behar ez genukeen modu berean utzi behar genioke tragediak sortzeari ere. Maitasuna, maitasuna baino ez da. Eta ez du zertan sexuarekin, fideltasunarekin, heriotzarekin edo ezkontzarekin lotuta egon.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna