BIRA

Hurbiltasuna

Onintza Enbeita -

2020ko urtarrilak 2

Ez da derrigorra Gabonetan opariak erostea, baina nik erosi egiten ditut. Ordea, erostetik erostera desberdintasun handia dago: inguruan dudan jende askok Internetez erosi ditu opariak, baina nik nahiago dut berton erosi. Askok duela hilabete batzuetatik izan dituzte opariak etxean, baina niri erostea tokatu zaizkidanak azken egunean erosi ditut. Eta ikusi dudanaren arabera, jende askok egin du nik egin dudana. Dendan zain egotea tokatu zitzaidan paketeak biltzen zizkidaten bitartean. Eta nire moduan jende gehiago zegoen han prendak eskuan hartuta saltzailearen mimoari begira. Halaxe bildu zizkigutelako paketeak: mimo handiz.

Ordaintzea tokatu zitzaidanean esandakoa ordaindu nuen. Egia da nire kalkuluaren emaitza eta dendariarena ez zirela berdinak izan, baina erratu egin nintzela pentsatu nuen.

Jaiegunak pasatu eta batera, dendariren mezua jaso nuen barkamen eske. Erratu egin omen zen. Lehenengo poztu ninduena arrazoia neuk izatea izan zen: ez nintzen erratu. Gero bertoko dendetan erosteagatik poztu nintzen; izan ere, kontsumismoari ihesik egin ez arren, sentimendurik gabe erostearen eromenari bai egin nion. Eta batez ere, poztu egin ninduen lagunei erosteak abantailak dituelako. Edo, gutxienez, lagunen moduan portatzen diren saltzaileak oraindik badaudelako.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da, Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna