BIRA

Elkarrekin

Onintza Enbeita -

2020ko urriak 6

Munduak ez du nahi aniztasun funtzionalik. Munduak ez du nahi bere burua zaindu ezin duen inor. Eta munduan inoren laguntzarik gabe bizirautea ia ezinezkoa da edonorentzat. Eraiki dugun munduan gazte osasuntsuek bakarrik daukate lekua. Eta osasuntsua esaten dugunean, osasun mentalaz ere ari gara. Ez dakigu buru barruan gurea ez den ahotsen bat entzuten duenarekin komunikatzen, edo mutur biren artean dabilen laguna orekatzen, edo bere barruan galdu zen hura guregana ekartzen. Ez dakigu. Inork ez digu irakatsi komunikazio hori nola garatu, baina inorena ez da erru guztia: gu ere erosoago sentitzen gara haien munduetatik urrun gauden bitartean.

Errazagoa da haiek biziko diren zentroak edo ospitaleak eraikitzea eta haiekin lan egiten dutenak ze lan ona egiten duten goraipatzea. Erraza da ez dakit noren alabaz edo semeaz irribarre batekin hitz egitea, baina zaila da gureari harekin trago batzuk har ditzan eskatzea. Zer eskatuko diogu guk nerabe bati? Normala da. Haientzat gaitza da desberdinak direnekin harremantzea. Eta sorbaldak jasotzen dituzu zeuk ere argudioaren aurrean.

Eskatu egin dezakegu, ordea. Ez nerabeei bakarrik: baita geure buruari ere. Eskatu eta irakatsi maitatzen, egoten, lasaitzen eta elkarrekin bizitzen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.