Albistea entzun

EKOGRAFIAK

Euskal akademia

Miren Manias -

2018ko uztailak 25

Ikus-entzunezkoen Valentziako Akademia (Herrialde Katalanak) sortu dute, alorreko hainbat eragile batzeko elkarte baten falta zutelako. Autonomia erkidego horretako hainbat profesionalez osatuta egongo da; besteak beste, ekoizleez, banatzaileez, zinema zuzendariez, konpositoreez, gidoigileez eta kultura kudeatzaileez. Zuzendaritza Batzordean lau emakumezko eta sei gizonezko daude. Akademiaren behin-behineko zuzendaria Jose Llopis konpositorea da, eta helburuen artean sektorea kohesionatzea izango du. Horretarako, profesionalen berrikuntza eta formakuntza bultzatuko ditu; baita baliabide publikoen erabilpen politika zehatza ere, tokiko ikus-entzunezkoen sustapena eta kontsolidazioa lortzeko. Erakundearen jarduera eremu nagusia Valentzia izango da, hain zuzen, telebista, zinema, dokumentala, animazioa, bideojokoak eta euskarri digitalak lantzen dituzten enpresak. Akademiako bazkide izateko ezinbesteko baldintza da ibilbide profesionala egiaztatzea.

Valentziako ikus-entzunezko sektorearen egungo egoeraz eta ekoizpen baldintzez gogoeta kolektiboa sustatu nahi dute, edukien kontsumo eredu berriak ulertzeko eta finantzaketa aukerak egokitzeko. Funtsean, lurralde horretan sortzen diren edukien harrera maila hobetu nahi dute eta, aldi berean, balioan jarri sektorea osatzen duten askotariko profesionalen lana. Ikerketa gune zentrala ere bihurtu nahi dute akademia berria. Hala, ikus-entzunezkoei lotutako analisiak egingo dituzte, erakunde publikoei helarazteko eta ekimen berriak proposatzeko. Txosten zientifikoez harago, gainera, elementu teknikoen eta artistikoen gaineko eztabaidak bultzatuko dituzte. Akademia ez da hasi martxan oraindik, baina lehen pauso garrantzitsuena eman dute. Alegia, ofizialki eratzea.

«Sinestezina egiten zait 2018an oraindik Interneten kontsumitzeko euskarazko ikus-entzunezko produktuak sortzeko diru-laguntza espezifikorik ez izatea ez Eusko Jaurlaritzak, ez Foru Aldundiek». Xabi Payaren gogoeta da, BERRIA-n idatzitako Tren galduak zutabekoa. Sinestezina baino, atzerakoia iruditzen zait euskal erakunde publikoen jarrera. Zein da, bestela, Kulturaren Euskal Behatokiaren funtzioa? Agian, guk ere behar dugu alorreko eragileak batuko dituen Ikus-entzunezkoen Euskal Akademia.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©BERRIA

«Musika ekoizleok artistak ere bagara»

Unai Etxenausia

Musika urbanoa ekoizten hasi zen Denso duela bost urte. Euskal Herrian indarra hartzen ari den generoa dela nabaritzen du. Horregatik, estudio profesional bat irekitzeko apustua egingo du.
Ezkerretik eskuinera, Eider Amundarain Zaldibiako Lardizabal eskolako zuzendaria, Eñaut Agirre eta Zineb el-Ghaouti gurasoak, eta Karmele Perez Huheziko irakaslea. ©ARITZ LOIOLA / FOKU

Eskola denentzat izan dadin

Ane Insausti Barandiaran

Eskolako funtzionamendua euskaraz izan dadin, baina, era berean, edukiak guraso guztiek uler ditzaten, proiektu bat abiarazi dute Zaldibiako eskolan. Guraso euskaldunak eta migratzaileak elkarrekin ari dira baliabideak sortzen. Orain arte egindako bidea aztertu dute, jardunaldi batzuetan.

 ©MARISOL RAMIREZ / @FOKU

«Ipuinetako lizentziak hartu dituzte bertsolariek»

Urtzi Urkizu

Bertsolari Txapelketa Nagusiko ETBko emanaldietan analisiak egiten aritu da Martin, Ilaski Serrano esatariaren alboan. Hala arituko da hilaren 18ko finalean ere, Iruñean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...