Albistea entzun

BIRA

Gauza galduak

Onintza Enbeita -

2021eko otsailak 23

«Semea galdu baduzu, bila ezazu objektu galduen atalean». Hala erantzun zioten Mikel Zabalzaren amari Intxaurrondoko kuartelean, ea bere semea han zeukaten galdetu zuenean. Handik egun batzuetara, objektu galdu baten moduan bota zuten Zabalzaren gorpua Bidasoa ibaira. Jakin nahi ez zutenek ere bazekiten, ama bila joan zitzaionean, han zegoela semea, Guardia Zibilaren eskutan. Artxibatu zuten kasua eta kito: komisarietan inoiz ez da ezer gertatzen. Mila aldiz esan digute ETAkideek jasoa zutela atxilotzen bazituzten torturatu egin zituztela esateko agindua: eskuliburu bat ere ba omen zeukaten jarraitu beharreko irizpideekin.

Mikel Zabalza hil zutenetik urte asko pasatu dira. Gehiegi, egiaren zain dagoenarentzat. Eta hara non aurkitu duten orain, gauza galduen artean, haren hilketa aitortzen duen grabaketa bat. Noiz aurkituko gainera, eta Galindo jenerala hil eta egun gutxitara.

Berdin du audioan nortzuk agertzen diren edo Zabalza zuzenean nork torturatu zuen. Hemen, tortura gauza normala izan da inpunitatez ibili diren polizientzat, eta are normalagoa, haren izatea ukatu arren, inkomunikazioa ahalbidetu eta babestu duen klase politikoarentzat. Dagoeneko bada torturaren erabilera onartzeko sasoia; ez dadila gure memorietako gauza galduen artean erori.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna