BIRA

Vuelta

Onintza Enbeita -

2018ko irailak 13
Telebista ipini, eta inoiz ez bezala, Espainiako Txirrindulari Itzulia ikusten hasi naiz. Hor ikusi ditut Portugalete, Santurtzi, Bilbo... eta hasi dira parajearen ederra komentatzen: Bakio eta Watiorekin egindako txiste eskasa barne. Ezin dut jasan esaten ari diren guztia. Gure herriaz ari dira, baina eurena balitz bezala hitz egiten dute. Badakizue, «hemen Espainian» eta hori guztia.

Ezin diot itzuli honen antolakuntzari gehiago eskatu, ezin diet espainiar telebistetako kazetariei gehiago eskatu, baina barruan zerbait lehertu zait. Esaten ari dira Espainiako Itzulia dela turistei dei egiteko gidarik onena: airetik ateratako irudi zoragarriek erakusten omen dutelako herria. Eta hori esaten duten bitartean geure herria ikusten ari naiz telebistan: gurea, eurek eurena balitz bezala erakusten dutena.

Ez dakit nik turistentzako gida egokia izango den txirrindularien aitzakian munduari norbere bazterrak erakustea, baina argi daukadana da, berriz ere, argi utzi dutela gure herria eurenganatua dutela, zapaldua, azpiratua. Ez dago euskararen aipamenik, ez dago herri baten izena ondo esateko asmorik, ez dago errespeturik. Errespetu faltarik ere ez. Eta horixe da txarrena: geuretzat ere ia normala dela eurak hola entzutea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna