BIRA

Oporrak

Onintza Enbeita -

2019ko apirilak 21
Gu oporretan geunden. Ardo bana eskatu eta jateko zerbait atera ziguten. Gizon bat etorri zitzaigun diru eske. Gose zela esan zigun. Nik dirua eman nion. Eztabaida bizian hasi ginen. Ez dakit zein momentutan igo genuen bolumena, baina gogor genbiltzan. Ia denak neure kontra. Ez zigulako egia esan, ez zuelako jatekorik erosiko, jonkia zelako, ez nuelako ezer konponduko dirua emanda. Horrenbeste neuk ere badakit, esan nien haserre. Eta esan nien banekiela ez zuela janaririk erosiko, baina nik emandako diruarekin heroina lortzen bazuen zati baterako bakea izango zuela, eta gutako edonor erori daitekeela adikzioetan, eta nik ezin dudala munduko gosea konpondu, baina ezin diodala ardo on bat edaten ari naizenean dena kendu diotenari begietara begiratu errudun sentitu gabe. Isiltasuna. Berriro hasi ginen oinez, eta arkupedun kale batetik pasatu ginen. Kartoizko oheak jartzen ari ziren arkupean, eta boluntarioak-edo ziren gazte batzuk ari ziren kafe beroa banatzen. Boluntario haiek ere ez zuten gizon-emakume haien guztien bizitza konponduko, baina lanean ari ziren.

Kapitalismoak derrigor behar du jende hori kalean beste batzuk ondo bizitzeko. Kontua da ea zer egin dezakegun sistema kriminal hau errotik aldatu bitartean, errukian erori gabe.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna