Albistea entzun

EKOGRAFIAK

'Bideo dating'-etik ikasiz

Miren Manias -

2020ko uztailak 22

Interesgarria izango litzateke aztertzea telebista tradizionalak zer espazio fisiko duen euskal etxeetan. Alegia, ohiko tokietan dagoen ala ez. Besteak beste, sukaldean, egongelan edota logelan. Lagun batek etxea erosi berri du, eta diseinatzaileak telebistak kokatu dizkio planoetan. Hark, ordea, denak kendu ditu. Izan ere, ez du etxean telebista gailurik izateko asmorik. Gutxi ikusteaz gain, eduki guztiak sarean eta ordenagailu eramangarrian kontsumitzen ditu. Hau da, nahi duen orduan eta lekuan. Pentsatzen dut zuetako askori jada gauza bera gertatuko zaizuela. Horregatik, esango nuke, toki fisikoaz gain, telebistaren gaineko kontzeptua ere aldatu egin dela. Eta horrekin batera, telebistako edukiak sortzeko, finantzatzeko, ekoizteko, programatzeko eta hedatzeko sistema osoa.

Bideo dating-a edo harreman intimoak Internetez izateko modua pantaila txikira hedatzen ari da. BBCren arabera, itxialdian sortutako fenomenoa da; nagusiki, tabernak itxita zeudelako, aurrez aurreko harremanak debekatu zituztelako, eta ezin zelako hiri batetik bestera bidaiatu. Hala, bideo deiak bizkor bihurtu ziren alternatiba. Dating.com atariak, kasurako, %82ko kontsumo gorakada izan zuen itxialdian. The Meet Groupek, berriz, %95eko igoera martxotik. Datuek diotenez, normaltasun berrian gurean geratuko da bideo dating-a.

Match atariak egin berri duen inkestaren arabera, AEBetako erabiltzaileen %69 bideo-txatak egiteko prest azaldu dira. Pandemia baino lehen, soilik %6k zeukan probatua. Bumble enpresak, bestalde, iaz jaurti zuen bideo dating aplikazioa, eta eragile nagusietako bat da egun. Dioenez, krisi honetan harreman intimoak izateko modu seguruena da. Horri erantsi bideo dating-arekin erabiltzaileek ez dutela telefono zenbakirik edota sare sozialetako informaziorik partekatu beharrik. Ez, behintzat, hasiera batean. Hinge aplikazioak, zehazki, Date from Home (harreman gunea etxetik) bideo-txata gehitu zuen apirilean. Helburua: COVID-19ak eragindako egoerara egokitzea.

Hori guztia zertara dator? Azpimarratzeko bideo dating-ean hainbat irakaspen daudela. Bat: telebista tradizionalaren sistemak ez du gehiago balio; bi: erabiltzaileak dauden lekura eraman behar da zerbitzua edo edukia; eta hiru: behingoz, digitalera salto egin behar du ETBk.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Mixel Berhokoirigoin. ©I. MIQUELESTORENA
Ibraimo Abu Mbaruco irrati komunitario bateko kazetaria da, eta hamahiru hilabete daramatza desagertuta. ©BERRIA

Ibraimo Abu Mbaruco kazetariak urtebete darama desagertuta

Urtzi Urkizu

One Free Press Coalition hedabide elkarteak prentsa askatasunaren aurkako kasu larritzat jo du
 ©BERRIA

Zergatik dira soinuak atseginak edo jasangaitzak?

Ainize Madariaga

Begiak hertsiki hetsirik eta hortzak tinko tinkaturik dituenak, berdin, bortitza zaion soinua entzuten ari da. Bi arrazoik eragin dezakete sentsazio desatsegin hori: fisiologikoak edota psikologikoak. Izan ere, soinuen hautemateak sailkatzen du soinu bat atsegina den edo ez. Adituen arabera, ez dago soinu atsegin edo desatsegin unibertsalik, gizaki bakoitzaren bizipenek baldintzatzen baitute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.