Albistea entzun

EKOGRAFIAK

'The Tour de France'

Juan Luis Zabala -

2021eko uztailak 21

Pogacar, Vingegaard, Carapaz, Van Aert, Van der Poel, Cavendish, Alaphilippe, Mohoric, Bilbao, Izagirre, Castroviejo, Erviti... Eman dute zer ikusia eta zer esana punta-puntako txirrindulariek Frantziako Tour amaitu berrian. Eta, zer esana emateaz gain, hizketan ere ikusi eta entzun ditugu; ez ordea frantsesez, ez ordea nor bere hizkuntzan, denak ingelesez baizik. Hala mintzatu zen Pogacar esloveniarra, eslovenierari muzin eginda, horiz jantzita, Parisko podium zeremoniatsuan, eta ingelesez mintzatu izan dira egunean eguneko etapa irabazleak ere telebistako kameren aurrean, kasurik gehienetan behintzat, denetan ez bada.

Garai batean hizkuntza-nahasketa handia omen zegoen tropel barruko solasaldi eta ohartarazpenetan, baina ziklismo garaikidea ingelesez mintzo da, antza denez. Globalizatu egin da txirrindularitza eta globalizatzearekin batera ingelesa nagusitu da lingua franca moduan hala tropelean nola txirrindularitzako nazioarteko emanaldietan, are Frantzia chauviniste-ko kirol ekitaldirik grandeur nabarmenekoarenean ere. Ez da nolanahiko konkista, alajaina! Lekutan geratu dira, bestalde, esperantisten aldarriak eta ametsak dena bereganatzen ari den olatu anglofilo oro-hartzailearen aurrean!

Niri atentzioa bereziki aurten eman badit ere, seguru asko lehendik dator kontua, eta ez da oso harrigarria, aintzat hartzen baldin badugu zein neurritan ari den nagusitzen ingelesa gero eta esparru gehiagotan, ia denean. Halako moldez non gaur egun eskola-ume baten guraso baldin bazara alferrik izango zaren tokiko hizkuntzen defendatzaile sutsua, zuk ere azkenean amore eman beharko duzu alaba edo semea tropelaren atzealdeari ezin jarraituz ikusiko ez baduzu. «Ingelesa ikastera, etorkizun handikoa baita, eta zure aitak ikasi ez bazuen ere, zuk bai», kantatzen zuen, joan den mendean, 1979an zehazki, Topo rock taldeak Mis amigos kantu gogoangarrian.

Dena den, tropeleko hizkuntza nagusia ingelesa izanagatik ere, ez gaude kexatzeko moduan txirrindularitza gustuko dugun telebista-ikusle euskaldunok ziklisten lehia nagusiak geure hizkuntzan ikusteko dugun aukerari dagokionez. Ingelesa jakin beharrik gabe eta, Fermin Aramendiren itzulpenak lagun, ingeles pittin bat ikasiz ikusi dugu The Tour de France.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Ez da batere gozoa 124 urteko familia negozioa ixtea»

Iker Tubia

Aramendiak uste du gozogintza artisaua lanbide ederra dela; lotua bai, baina esker onekoa. Bere familiak orain arte mantendu duen negozioarekin jarraitzeko lantalde egonkorrik ez du lortu.
 ©GERTRUD ZACH / TRAINING SUPPORT CENTE

Izenaz jabetu, izanaz gabetu

Ainize Madariaga

Zanpatzen den populuaren izena hartu ohi dute zanpatzaileek armadako sorkuntzak izendatzeko: amerindiarren izenak, adibidez, AEBetako aire armadan. Haatik, euskal izenez ere jabetzen ari dira Frantziako eta Espainiako armadak: 'Belharra', 'Navarre' edo 'Elkano'. Jabetze kulturala erraten zaio horri.

 ©KANALDUDE

«Badago zer erran euskal zinemaz»

Urtzi Urkizu

Kanalduden ikusgai dago 'Zinez' saioaren aurreneko atala, Josu Martinez zinemagilearekin grabatutakoa. Euskal zinemaz arituko dira, elkarrizketa «intimoen» bidez. Olasagastik esan du asko ikasten ari dela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.