Noiz sortua: 2020-03-25 00:30:00

EKOGRAFIAK

Euskara ez da ezinbestekoa

Miren Manias -

2020ko martxoak 25

Eusko Legebiltzarreko logotipoaz hasi zuten saioa. Prime time ordutegian. Hauteskunde garaiko ekintza komunikatiboa balitz bezala. Igandean, 22:30ean, ETB2n emandako albistegi bereziaz ari naiz: Entrevista al Lehendakari. Xabier Garcia Ramsden kazetariak elkarrizketatu zuen Iñigo Urkullu, euskal telebista publikoko platoan bertan. Total, zertarako geratu etxean. Helburua? Koronabirusaren krisiak eztanda eta astebetera, EAEko ospitaleetako egoeraz eta ekonomiari lotutako galderak erantzutea. 35 minutu inguru iraun zuen tarteak, eta inoiz baino luzeagoak egin zitzaizkidan.

Iraingarria iruditu zitzaidan, alarma eta osasun larrialdi egoera historiko honetan, gure telebista publikoan lehendakariak eskaintzen duen lehen elkarrizketa gaztelania hutsean izatea. Alde batetik, zeharka bada ere, helarazten ari zaigun mezua baita gai garrantzitsuetarako gaztelania dela lehentasuna. Edo ezinbestekoa. Bestela esanda, ETB2n eta gaztelaniaz komunikatzea. Eta bigarren mailakoa edo ez ezinbestekoa, berriz, euskara. Bestela esanda, ETB1en eta euskaraz komunikatzea. Erabaki horrek, bestalde, bigarren mezua dakar inplizituki: euskal komunitateak ez du axola.

Errealizazio kontuei dagokienean, lantaldea ez zen aurrez xehe-xehe prestatutako gidoitik atera. Elkarrizketa gai ezberdinei lotutako galderen bitartez banatu zuten, eta inprobisaziorako tarte gutxi izan zen. Areago, esango nuke errealizazio osoa lehendakariaren erantzunen arabera diseinatuta zegoela. Kamerak, pantailetako izenburuak, trantsizioak, gorputz mugimenduak... ezin hobeki egokituak zeuden. Bestela esanda, lehendakariaren komunikazio taldeak programa ekoiztu balu bezala.

Emaitzak, hortaz, publizitate iragarki itxura hartu zuen. Izan ere, oro har, lehendakariak ez zuen «ezer» berririk esan. Edo nahiago baduzue, ez zioten ezer berririk galdetu. Koronabirusari lotuta ez dauden auzi gutxi batzuez bai galdetu zioten Urkulluri, adibidez, Zaldibarkoaz edota legebiltzarreko hauteskundeez. Lehendakariak, ordea, bere irudia zuritzeko besterik ez zituen baliatu galdera horiek. Kasualitatea ote?

Ondorioak zuek atera: saioaren amaieran, teleprompter-a jarri zioten elkarrizketatuari, %16,6ko ikusle kuotari hitz batzuk irakurtzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Erosketak egiteko ilarak Gasteizen. ©Jaizki Fontaneda / Foku

Osakidetza test azkarrak erabiltzen hasi da

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Herritarren ilada Ordiziako azokan, itxialdiaren hasieran. ©Jon Urbe/ Foku

Baserritarrak haserre, Jaurlaritzak azokak debekatu dituelako

Iker Aranburu

EHNEk uste du Jaurlaritzak ez duela eskumenik salmenta zuzeneko eremuak debekatzeko. "Erabaki tamalgarria», Enbaren ustez

Osasungintzako langileak txaloka Nafarroako ospitale gunean ©Idoia Zabaleta, FOKU

Koronabirusaren hedapena geldotzen ari da Nafarroan, baina ez Araban, Bizkaian eta Gipuzkoan

Ainhoa Larretxea Agirre

Lau hildako eta 112 kutsatu berri izan dira Nafarroan azken orduetan, eta hildakoak hamazazpi dira Araban, 25 Bizkaian eta hamar Gipuzkoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna