Albistea entzun

IRLEN SAREA

Hirugarren esfera

Gorka Julio -

2021eko irailak 11

Elkarrizketa sortzailea eta eraikitzailea desagertzen ari da. Irudiek eta soinuek gure banda zabaleraren zati handi bat hartzen dute eta gure dopaminarekin jolasten duten aplikazioek eztabaidarako, ideia trukerako, ia denbora gabe uzten gaituzte.

Esfera publikoa sare sozialek hartu dute guztiz eta bakoitzean dinamika bat ematen bada ere, gehienek erakutsi dute elkarrizketa eta ideia truke zintzorako espazio mugatuak direla. Positibotasun inpostatu bat irudikatzen dute batzuek, burbuila ideologiko bihurtu dira beste batzuk edo zuzenean ondo koipeztatutako gorroto makinak.

Desberdinen arteko eztabaidarako espaziorik ez dago. Akaso ez da inoiz egon, normala da gure antzekoen bila ibiltzea, baina apokalipsiaren garaiotan, ideia berriak sortu behar badira toki ezberdinetatik atera beharko dute ezinbestean. Iraganeko formulek balio ez badute ere, memoriadun iraganak izan dezake interesa. Historia errepikatzen omen da, baina ezberdin errepikatzen da. Ezberdin errepikatzen da, memoria dugulako.

Elkarrizketa kolektibo baten zantzuak zituen garai bat ezagutu genuen: blogak sortu ziren garaia izan zen. Orain nostalgiatik baino, garai hori gogoratuz eta era errekurtsibo batean ekartzea litzateke hoberena.

Garai hark izan zuen norbanakoek eta kolektiboek sortutako euskarazko eduki gehien. Agenda publikoan eta hedabideetan ere eragin zuzena izan zuen, horiek eraldatzeraino. Oraindik ere gurean badira komunitate aktibo horren arrastoak eta bereziki harremanak. Harremanak izan ziren garai horretako hoberena, zerotik eraiki baitziren konpromiso altuko harremanak; adibidez Blogsoviet bezalako ekimenekin.

Hori dena, gainera, era banatuan sortu zen. Dibertsitate handiko ingurune bat sortu zuen, bakoitzak bere ideiak plazaratzeko tokiekin, baina gero elkar ezagutzeko eta elkar iruzkintzeko kulturarekin uztartuta. Iruzkinekin baino, bata bestearen blogari egiten zizkion erreferentzien bidez.

Gaur egun, trukea sare sozialetan ematen da gehien eta hedabideek agenda publikoa berriro zentralizatzea lortu dute. Ez dago hirugarren esfera hori, agenda berri bat sortzeko eta ideia berriak trukatze lagunduko digun espaziorik. Aniztasunetik, elkarrekin eztabaidatzeko, gozatzeko, ideiak trukatzeko, egoteko... zerbait sortu beharko genukeela sentitzen dut.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IDOIA ZABALETA / FOKU

«Izuturik egon naiz; baina arrazionala da?»

Iker Tubia

Energia krisiaren eta klima aldaketaren aurrean, filosofia aldarrikatu du Basartek, erabaki eraginkorrenak hartzeko ezinbestekotzat jotzen baitu arrazoian oinarritzea. Altruismo eraginkorrean aritzen da orain.
Erreserbetan bermeak eskatzen hasi dira hainbat jatetxe. ©BERRIA

Bezeroak etorriko diren esperoan

Unai Etxenausia

Jatetxeei galera nabarmena ekar diezaieke bezeroek erreserba bat egin, ez direla joango abisatu ez eta, azkenean, ez agertzeak. Horrelakoak ez gertatzeko, hainbat jatetxe bezeroei bermeak eskatzen hasi dira erreserba egiten duenean, bezeroak lotzeko eta galerak gutxitzeko.

La Zurdako kide Andrea Ganuza, bere komikia aurkezten, La Zurda Berria jaialdian, maiatzaren 24an. ©MIRARI ETXABARRIA

Artearen jaialdia, denen esku

Itsaso Jauregi

Iruñeko La Zurda Berria jaialdian tailerrak eta arte erakusketak egin dira maiatzaren 26tik ekainaren 10era. Esperimentatzeko espazio seguru bat sortzea da helburua.

Atal berria du estilo liburuak: ikus-entzunezkoena. ©BERRIA

BERRIAren estilo liburuan atal bat sortu dute ikus-entzunezkoei buruz

Urtzi Urkizu

Irizpideak landu dituzte belarrirako nola idatzi, nola ahoskatu eta azpidatziak nola egin zehazteko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.