Albistea entzun

IRLEN SAREA

Soluzionismo teknologikoa

Gorka Julio -

2021eko abenduak 18

Soluzionismo teknologikoa gaitz sozial bat da. Soluzionismo teknologikoa edozein arazori soilik soluziobide teknologiko batekin erantzun behar zaiola dioen pentsamendu magikoa da.

Andoaingo (Gipuzkoa) zine eta bideo eskolak egiten zuen Kanal ON telebistan, munduaren arazo nagusia zein zen galdetu zidaten, eta «dirua» erantzun omen nuen. Diru falta izango zen horren arrazoia ziurrenik, baina gogoratzen dut dirua bera ere arazo bezala ikusten nuela. Zergatik ez dugu behar duguna eta listo? Zertarako dirua eskuratu behar, behar duguna lortzeko? Ume bat nintzen orduan, eta egun berean paleontologoa izan nahi nuela ere erantzun nuen. Atera kontuak.

Horri lotuta, zenbaitzuk orain dirua bainoago, berriro ere irakurketa infantil horri jarraituz, «dirua» munduaren arazo nagusia dela esaten dute. Hobeto esanda, diruaren izaera bera eta berau sortu eta kontrolatzeko arazoa konponduz gauza gehienak konponduko liratekeela. Diruaren kontrola duten bankuei eta estatuei horren kontrola kenduz gero, munduaren arazo nagusiak konponduko genituzkeela. Analisia akaso ñabardura txiki edo handiekin partekatu badaiteke ere, arazoaren soluzioa «kriptodirua» eta blockchain teknologia dela diotenean hasten da.

Gero eta gehiago entzuten ditugu teknologia horiek: energia xahutzaile izateaz gain, ustezko kontrol zentralizatua ez dute saihesten (teknologiak ahalbidetuko lukeen arren), metaketarako eta espekulaziorako bide ematen dute (moneta horien jabe handienak gutxi batzuen esku daude), eta ez dute, gainera, esperotako helburua betetzen (bankuek eta estatuek haien gaineko kontrola eskuratu badezakete kapitala eta inbertsioak eginez lehenak, lege bidez bigarrenek). Ekuadorko Gobernuak, adibidez, Bitcoin txanpona onartu du moneta ofizial moduan.

Espekulazio iturri handi bat diren aktibo bezala ikusi behar ditugu, eta horrek beti suposatuko du handien irabaziak metatzeko aukera zein txiki askoren porrota. Baina, gainera, inoiz aipatzen ez den beste instituzio bat sostengatzen duen eredua da: merkatua. Arazoa ez da estatuek araututako eta bankuek bitartekaritzaren bidez kontrolatutako dirua izatea, merkatua bera ukitzen ez den bitartean, jendartearen beharrei begira jartzeko, ez dago soluziorik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Guztiok gatoz leku beretik: guztiok gara afrikarrak»

Unai Etxenausia

'Geu, afrikarrok' aurkeztu du Arrosagaraik, zenbait gazteren istorioak biltzen dituen erakusketa bat, Gasteizko Montehermoso kulturunean. Otsailaren 26ra arte egongo da ikusgai.
Madrilgo komentu batean

'Marten' hegaldia

Enekoitz Telleria Sarriegi

Francoren erregimenak, Eliza katolikoarekin batera eta Australiako Gobernuarekin tratua eginda, ehunka euskal emakumezko bidali zituen Australiara, 1960ko hamarkadan. Han lana eginaraztea eta aurretik hara bidalitako gizonezkoekin ezkonaraztea zen bidaia haien benetako helburua. 'Marta plana' deitu zioten, eta 'El avión de las novias' dokumentalean jaso dute.

«Misiolari gisa bidali nahi gaituzte»

«Misiolari gisa bidali nahi gaituzte»

Enekoitz Telleria Sarriegi

Natalia Ortiz ikerlariak, besteak beste, Josefina Erezuma bizkaitarraren istorioa jaso du bere ikerketan, Jaime Aberasturi senargaiarekin izan zuen eskutitz trukearen bidez.

 ©OIER ARANZABAL

«Audio plataforma bat sortuko dugu datozen hilabeteetan»

Urtzi Urkizu

Ikus-entzunezkoetarako Primeran iritsiko den moduan, irrati eta audioetarako beste plataforma bat sortuko dute, Goñik iragarri duenez. «Kolaborazioak sustatuko ditugu euskalgintzarekin».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.