Albistea entzun

EKOGRAFIAK

Erronka berririk zailena

Miren Manias -

2019ko urtarrilak 9

Agur ala gero arte? Gutuberrak euskarazko websailaren azken atala eman zuten igandean. Erronka Berriak taldearen —Nomofobikak dirurik gabe egin zuen— azken fikziozko lana, eta EITBko webgunearen barne estreinatu duten lehen websaila, hain zuzen ere. Euskarri zein plataforma batean baino gehiagotan kontsumitzeko produktu transmedia da; sarean erabilgarri jartzeaz gain, Whatsapp, Instagram eta Facebook sare sozialetan ere zabaldu dute. Astean lau atal, bakoitza bi-hiru minutuko iraupenaz, eta igandero guztiak batera ikusteko aukerarekin.

Ez dakit zer nolako promozioa egin duten euskarazko websailarekin, baina esango nuke ETB2ko El conquistador del Pacífico-ren bestekoa ezetz. Nekez izango da inor Hego Euskal Herrian, herenegun ETB1eko Euskalonski-rekin batera estreinatutako El conquis-en denboraldi berriaren bonbardaketa komertziala pairatu ez zuenik. Irratian, telebistan, sare sozialetan, egunkarietan, EAEko kale nagusietan... —non ez?— izan dira dozenaka iragarki egunero. Baina hala ez bada, aizue, zorionak; deskonektatzeko gaitasun hori erosiko nuke orain.

Gutuberrak-en gaia ez zen erraza: etxegabetze baten mehatxuari aurre nola egin. Youtuberra bihurtzea baino ideia hoberik? Hori bururatu zitzaien websailaren protagonistei; «zuk zer egiten dakizu»-tik abiatuta, elkarri laguntzea. Alegia, elkartasun balioak azpimarratuz. Lasai, ez dut spoilerrik egingo —websaila ikusgai dago gutuberrak.eus-en—, eta jarraitu dezakezue lerro hauek irakurtzen. Lan txukuna iruditu zait; batez ere, gidoi, audio, irudi eta edizio aldetik. Baita erritmo biziko produktua ere; elkarrizketa askokoa, websailen beharrezko ezaugarria. Bestalde, istorioak modu egokian egiten du aurrera, atalen arteko lotura argia eginez, eta ikuslearen arreta harrapatuz. Iragarkirik gabe, sofan botata, neguko arratsalde euritsu batean (noizko?) osorik ikusteko modukoa da.

Halere, hori ez da websailen kontsumo eredu nagusia; sare sozialen bitartez, autobusean, metroan edo trenean ikustea baizik. Nagusiki, sakelakoan. Horren haritik, fikzioa eta egunotako gertakizunak uztartzea Gutuberrak-en erronka berririk zailena iruditu zait. Interesgarria litzateke, beraz, websailaren audientzia aztertzea, euskarazko transmedia produktuen estrategia sendoagoa garatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©GUILLAUME FAUVEAU

«Galtzagorriak behar ditugu. Indar hori, euskaldunak, galtzagorriak gara»

Ainize Madariaga

Libe Goñi Garatek eta euskarak gorputz bakarra osatzen dute. Seaskako lehen andereñoa izan denak bizia eman du bere artatzen eta transmititzen. Olentzero, taloak, kantua eta dantzak ere zabaltzen aritu zen. Orain, reiki irakaslea da.
Bi pertsona, animaliei begira, Zumas behatokitik. ©RAUL BOGAJO / FOKU

Hezeguneko sinergia

Amaia Ramirez de Okariz Kortabarria

Landareek eta hegaztiek bat egiten dute Gasteizko Salburua parkean, eta bizia ematen diote hezeguneari. Ataria interpretazio zentroak natur ibilbideak eskaintzen ditu.
Ilaski Serranok eta Saioa Martijak Martxoaren 8ari buruzko <em>Ahoz aho</em> berezia prestatu dute bihar arratsalderako. ©ETB

Martxoaren 8ari lotutako makina bat saio izango da ikusgai egunotan

Urtzi Urkizu

ETB1en 'Ahoz aho' berezia egingo dute bihar. Hamaika telebistan emakume arrazializatuen inguruan arituko dira bihar, 22:00etan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.