Noiz sortua: 2019-05-15 00:30:00

EKOGRAFIAK

Europako euskara proiektua

Miren Manias -

2019ko maiatzak 15

Astelehen gauean, Europako hauteskundeen gaineko debatea ikusi nuen ETB1en. Hautagai politikoek (EAJ, EH Bildu, PSE-EE, PP eta Elkarrekin Podemos), herritarren eskubideak babesteko, Europako Batasunera eramango dituzten neurriak eta planak azaldu zituzten. Bloketan banatu zuten eztabaida, tartea utziz elkarri erantzuteko gai ezberdinetan. Eszenaratzea zein gonbidatuen posizio horizontalak ez zuten askorik lagundu, eta dinamika nahiko aspergarria bilakatu zen. Beste kateetan ikustera ohituak gauden estilo berekoa izan zen. Berritasun gutxirekin, alegia.

Programazio orduari dagokionez, nabarmentzekoa da gaztelaniazko saioarekin izandako aldea. Igande gaueko prime time ordutegian eman zuten hori. Eta esango nuke, igandea egun egokiagoa dela ikusle gehienak harrapatzeko telebistako zuzeneko saio batekin. Beraz, gaztelerazko saioari lehentasuna eman ziotela esan liteke. Bestela, zergatik ez zuten saio bera egin euskaraz eta gazteleraz aldi berean?

Eztabaidaren mamian sartuta, gai potoloak mahai gainean jarri zituzten guztiek: immigrazioa, xenofobia, ekonomia, langabezia, trantsizio digitala, aldaketa klimatikoa, genero berdintasuna, gutxieneko soldata, LGTBI kolektiboaren eskubideak, zergak eta eredu fiskala, eta abar. Saioaren erdialdera iritsi zen brexit-a. Zer-nolako eragina izango du? Nola egokituko gara? Inork ez zuen aipatu Erresuma Batuan bizi diren euskal herritarren egoera nahasia. Elkarrekin Podemoseko Iñigo Martinezek Izaskun Bilbao jeltzaleari aurpegiratu zion diskurtsoaren erdigunean jarri izana euskal enpresen egoera. «Erresuma Batuarekin harreman komertzialak dituzten enpresen garrantzia azpimarratu duzu, baina han bizi diren euskaldunen egoera ere kezkagarria da». Bilbaok erantzun zion euskaldunen gaineko informazioa ere bildu duela Jaurlaritzak. Zertarako, ordea? Glasgown bizi garenokin, behintzat, ez dira harremanetan jarri informazioa eskaintzeko.

Edozelan ere, hutsune nabaria izan zen bost gonbidatuen kanpaina diskurtsoetan: euskara. Hau da, ez dute hizkuntza gutxituak Europan aldarrikatzeko planik? Zerbait esango zutenaren esperantzaz, saioaren amaiera arte geratu nintzen. Inozoa ni; izan ere, inork ez du halako asmorik azaldu. Bada guk ez badugu egiten, ez du inork egingo.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Zaintzaile bat adineko pertsona bati eskua ematen. ©BRAIS LORENZO / EFE

Hauskor azaldu da

A. Iraola - M. Peruarena Ansa

Krisiaren hasieratik jakina zen COVID-19ak gogor erasaten diela adineko pertsonei; edadekoen zentroetan izan diren heriotza ugariek agerian utzi dituzte egoitzen sistemaren inguruko hainbat gabezia, eta galderak sortu dituzte toki horietan egoiliarrek jasotzen duten osasun artaren inguruan.

Eguraldiaz eta neurrien arintzeaz gozatu dute herritar askok gaur. ©Juan Carlos Ruiz / Foku

Koronabirusak ez du inor hil Hego Euskal Herrian, lehen aldiz 85 egunean

Edu Lartzanguren

23 positibo berri detektatu dituzte PCR probekin, atzo baino bost gehiago.

Bihar irekiko dituzte hondartzak Donostian. Argazkian, atzo. / ©Juan Carlos Ruiz, Foku

Bigarren faserako jakin beharrekoak

Jon Ordoñez Garmendia

Astelehenetik araudi berri bat izango da indarrean Hego Euskal Herrian eta ordutegiei, saltokiei, taberna eta jatetxeei, hezkuntza zentroei, kirola jarduerei, eta igerileku eta hondartzei eragingo die.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna