Albistea entzun

EKOGRAFIAK

Geldiuneak

Amaia Garcia -

2022ko otsailak 24

Telesail baten erritmoa aldakorra izan daiteke. Askotan hasierak motelak izaten dira pertsonaien ardurak ezagutzeko, eta azken kapituluetan drama azkartu egiten da gertatu diren trama guztiak itxiak gera daitezen. Erritmo hori nahiko klasikoa da, eta telesail askotan aurki dezakegu, baina abiadurak aldatu daitezke gidoiaren arabera.

Euphoria (HBO Max) telesailaren bigarren denboraldia erritmo frenetiko batean hasi zen. Lehen kapituluak Urtezaharreko festa batera eraman gintuen. Lehen denboraldiaren ondorengo kapitulu berezien erritmo lasaiarekin talka egin zuen kapitulu horrek. Bertan, gauza asko bizi izan genituen, eta gertatu ziren ekintzek denboraldi osoaren norabidea ezarri dute. Pertsonaien arteko erlazio batzuk apurtu dira, eta pixkanaka hasierako egoerara iristea ezinezkoa dela agerian geratu da. Laguntasun erlazio batzuk Casado eta Ayusoren erlazioaren antzera amaitu dira. Bitartean, Rueren droga-menpekotasunaren ondorioek eztanda egin dute pertsonaien artean.

Lagunen arteko traizioak ezagutu dira, eta pertsonaien etorkizuna kolokan geratu denean zazpigarren kapitulua iritsi da. Emozioak baretzeko balio izan digu kapitulu horrek. Lexik, Rueren lagun onenak, eskolan antzezlan bat aurkeztu du. Bertan, bere lagunen bizitzen gorabeherak agerian utzi ditu. Kapitulu horrek telesaileko iraganeko eszena batzuk uztartu ditu antzezlanarekin. Hainbeste dramaren ostean, geldiune beharrezko bat egin du telesailak. Maisuki egindako lana da aste honetan ikusi duguna, eta denboraldian zehar gertatu diren gauza guztiei errepasoa egin ostean, azkeneko kapituluaren norabidea ezarri du.

Hurrengo astean azken kapitulua ikusiko dugu, eta telesailaren izenburuari erreferentzia eginez, kapituluak euforia ekarriko digula dirudi. Pertsonaia batzuen haserrea espero dugu, eta beste batzuen bizitza arriskuan dagoela dirudi. Sam Levinsonen telesailak eskema asko apurtu ditu azken urteetan. Nerabeen drogazaletasuna pantaila txikira ekarri du, eta emakumeek jasaten dituzten biolentziak modu desberdinetan ikusi ditugu. Horretaz gain, argazkigintza eta soinu banda oso berezia sortu du istorio hau kontatzeko. Erritmoan ere ezin zen klasikoa izan, eta antsietatea sortu diguten kapituluen ostean, behar genuen geldiunea oparitu digu.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Geu elkartearen herri bazkaria, atzo, Landatxon. ©RAUL BOGAJO / FOKU

Loratzen jarraitzeko

Edurne Begiristain

Geu elkartearen 30. urtemuga ospatzeko, egun osoko jaia egin dute Gasteizen. Elkarteko kideen ustez, «mugarri» bat ezarri da euskarak hiriburuan dituen erronkei heltzeko.
 ©OSKAR MATXIN EDESA / FOKU

«Dena dut gogoan: iruditzen zait italiarrak ikusten ari naizela zubitik etortzen»

Amaia Igartua Aristondo

Ederto gogoratzen ditu Basabek 1936ko gerran eta frankismoan bizi izandakoak: hegazkin bonbardatzaileak, italiarrak, beldurra eta gosea; egur eta ikatz bila joan behar izatea txikitan, amari ezer ez faltatzeko. «Bizitza osoan eraman behar da hori».
Josette Dacosta margolariak mihiseak lurrean jarrita margotzen du. ©GUIILAUME FAUVEAU

Teklen bitartez emandako pintzelkadak

Ane Insausti Barandiaran

Adimen artifizialaren bidez, posible da ordenagailuari agindu bat eman eta hark obra bat sortzea. Hori artea ote den zalantzan jarri izan du, ordea, jendeak; hala gertatu da, adibidez, Coloradoko arte lehiaketa batean. Artista eta ikertzaileek esan dute pieza bat sortzea, fisikoki ez bada ere, artea egitea dela.

 ©BERRIA

Hamaikak telebista adimendunetarako bere aplikazioa estreinatu du

Enekoitz Telleria Sarriegi

Hamaikaren digitalizazioan «beste jauzi bat» da aplikazioa. Ostiralean jarri zuten eskuragarri

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...