Albistea entzun

EKOGRAFIAK

Kabian

Lander Arretxea -

2022ko uztailak 1

Lagunarteko elkarrizketa edo solasaldia, eta bertan sortzen den hori guztia. Ez dago formatu zahar eta klasikoagorik, eta, hala ere, hizlariak interesgarriak badira, ezer gutxik hobetu dezake. Gazteak aurkeztu berri duen Kabian formatua ere horrexetan oinarritzen da. Bi musikari —edo gehiago— batu dituzte, eta elkarlanean nola sortzen duten jaso, abesti konpartituaren aurkezpenarekin borobiltzeko gero. Rozalen eta Zea Mays taldeko bi kideen batuketak osatu du lehen alea. Ez naiz ni abestia ondu dute.

Gazteari eta musikari begiratzeko (izan) duen moduari bainak jarri zaizkionean, halakoak azpimarratu ditu askok: emaitzari eta oihartzunari gehiegi erreparatzea; tendentzia edo modari, biraltasunari, arinkeriari. Gaztea Kabian egitasmoak, hein handi batean, horrekin apurtzen du: prozesuari jartzen dio arreta, musikarien arteko harremanari, elkarrizketa patxadatsu eta libreari. Gazteak egina da, baina izan zitekeen, aldaketa batzuekin bada ere, Argia-k edo EITB Kultura-k egindako produktu bat. Aurreiritzi bat baino gehiago apurtuko ditu.

Baita, beharbada, Gaztean bertan ere. Izango da irratiaren barrunbeetan pentsatzen duenik jendeak —jendea den masa uniforme arraro horrek— formatu laburrak soilik nahi dituela, gazteei ez zaizkiela berriketa patxadatsuak interesatzen, alferrik dela Instagram sare sozialeko reel batean sar ezin daitekeen ezer eginez denbora galtzea. Rozalen eta Zea Maysen elkarlana jasotzen duen bideoak, ordea, lau mila bisita baino gehiago izan ditu egun gutxitan. Egin aproba: ea bazterrotan egiten diren zenbat bideo dauden halako zenbakietatik gertu.

Badakit zer esango didazun: agerikoa da bideoa nagusiki gaztelaniaz dela, eta, beharbada, horrek datuak desitxuratu ditu. Tira, bigarren, hirugarren edo laugarren bideoaren ibilbidea ikusita soilik argitu ahal izango dugu hori. Baina, zenbakiak zenbaki, Kabian formatua Gaztearen eboluzioaren zantzu bat gehiago da. Aspaldi da irratia baino dezente gehiago dela, eta orain, telebista izaerara gero eta gehiago hurbiltzen ari den honetan, gaztetasuna edukiz jantz daitekeela frogatzeko bidea hartu du. Hori bai, irrati formularen esentzia erabat alboratu gabe. Yoko Ona, Lay Day, Zulora eta orain Kabian. Ez da hasiera makala bide berriak urratzen jarraitzeko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hemeretzigarren Glisseguna aroak mugatu badu ere, surf egin ahal izan dute goizean, Iban Iturbiderekin. ©GUILLAUME FAUVEAU

Glisseguna, urak atzemana

Ainize Madariaga

Seaskak eta Miarritzeko eta Angeluko ikastolek antolaturiko hemeretzigarren Glisseguna aroari moldatu behar izan zaio: giro baikorrean, goizean surfean bakarrik aritu ahal izan dira.
 ©MAIALEN ANDRES / FOKU

«Ikusten ikastea da margolaritza»

Enekoitz Telleria Sarriegi

Erretiroa hartu du Telleriak: margo denda itxi du, eta eskolak emateari utzi dio. Baina margotzeari, ez. 'Arimaren margolariak' telebista saioan egin zen ezaguna, baina 50 urteko ibilia darama jada artearen munduan. «Esperimentatzen» jarraitu nahi du.
Iñigo Vicens eta Lur Errekondo, <em>Naufragoak</em> saioko aurkezleak, Gazteizko FesTVal jaialdian. ©EITB

'Naufragoak' abentura saio berria, Karibeko uharte galduetatik ETB1era

Olatz Silva Rodrigo

Asteartean estreinatuko dute 'reality'-a. Lur Errekondok eta Iñigo Vicensek aurkeztuko dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.