Albistea entzun

EKOGRAFIAK

Dragoiak

Amaia Garcia -

2022ko azaroak 3

Bizitzaren errutinatik ateratzeko, fantasiaren bila jotzen dugu telesailetara. Fantasiaz beteriko aukera asko ditugu, baina azken hilabeteetan dragoien munduaren menpe egon gara telesailzaleok. HBO Maxek berriro ere arrakasta lortu du George R.R.ren munduarekin. Game of Thrones amaitu zenean, telesailaren prekuelak egingo zirela jakin zen. Horrek zalantza asko sortu zituen ikusleengan. House of the Dragon telesailak zalantza guztiak ezabatu ditu, eta arrakastatsua dela argi utzi du.

Duela egun batzuk zein telesail gustatu zaidan gehien galdetu zidaten. Galdera ez nuen erantzun. Bi telesailak oso desberdinak dira, eta bakoitzak berea du. Dragoien mundu berri horretan izaki mitologikoen agerpena gakoa da. House of the Dragon-en ikusten dugun botere jokoa ezaguna dugu, baina joko horretan dragoiak jartzen baditugu, are dibertigarriagoa egiten da.

Fantasiazko mundu horretan onak eta txarrak aurki ditzakegu, baina askotan onak eta txarrak zein diren nahasi egiten da. Agerian onak diren pertsonaiak aldatu egin daitezke, eta gaiztakeriarekin joka dezakete. Daemon Targaryen pertsonaia gaiztotzat eman dute atal askotan, baina pertsonaiaren prozesua oso interesgarria iruditu zait. Aurrekoan, lankide batek aitortu zidan txikitan heroiak gustatzen zitzaizkiola baina gaur egun bilauak nahiago zituela. Pertsonaia zital horiek beraiena dena zaintzen dute, eta, kasu honetan, Daemonek berea arriskuan ikusi duenean, bere zitalkeria berea dena babesteko erabiliko du.

Lagun batek traizioa egiten duenean min handia sentitzen da. Nahiz eta telesailak bizitzaren errutinatik atera gaituen, lagun batek noizbait traizio egin badigu, sentsazio hori pizteko arriskua dugu telesailaren zati batean. Kasu honetan, bi emakumeren arteko traizioa kontatzen da, eta horrek gerra ekarriko dio Targaryen familiari.

Baina zertaz ari naiz? Telesaila deigarri egiten duena dragoien presentzia da. Gerra arrunt batean, boterea neurtzeko alderdi bakoitzak zenbat soldadu eta zenbat arma dauzkan kontatzen dira. Kasu honetan, zenbat dragoi eta zein tamainatakoak diren izango da garrantzitsuena. Gerra deklarazioa azken kapituluan ikusi genuen. Bigarren denboraldiko gerrak zer ekarriko duen badakigu jada: sua, odola eta dragoiak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.