Albistea entzun

EKOGRAFIAK

Zinemaz eta zinez

Lander Arretxea -

2021eko abenduak 24

Gutxi izango dira kanpoaldeetan maskara janztearen alferrikotasunarena bezain sinesmen kolektibo eta orokortuak. Pandemia hasi denetik, lehen aldiz gaude denok gutxi-asko ados; denok, gobernuetako ordezkariak izan ezik. Neurri ezin zentzugabeago bat behar izan da, baina tira, gauza gutxi batzuetan bada ere, bat egin dezakegu oraindik.

Kultur alorrera etorrita, bada ia-ia aurrekoa bezainbesteko kontsentsuz aldarrikatu daitekeen beste baieztapen bat: azken hamarkada honetan, euskal zinemagintzaren kalitateak eta oihartzunak gora egin du nabarmen. Ez da Moriartitarren filmek lortu dituzten sari mordoagatik bakarrik. Fikzioan zein dokumentalgintzan, bietan nabarmendu dira beste makina bat egile: Koldo Almandoz, Asier Altuna, Josu Martinez, Maider Oleaga, Paul Urkijo, Ximun Fuchs, Lara Izagirre...

Haien bueltan, gainera, zinemaren ertz guztietan aritzen diren profesional tekniko multzoa trebatu da, gerora jarraituko duena gaitasun hori beste lan batzuetara eramaten. Aktoreez zer esan: Espainiako azken sari potoloen artean, gehien gehientsuenak —emakumezkoen artean, nagusiki— euskal aktoreek eraman dituzte. Pixkanaka bertako zein nazioarteko lanetan ari dira tokia egiten. Elena Irureta, Jone Laspiur, Ramon Agirre, Eneko Sagardoi, Itziar Ituño...

Zer esana eta hori kontatzeko talentua duten dozenaka egile daude, baita hori ahalbidetzen duen profesional saldoa ere. Eta hala ere, Zinemaldiaren hamabost eguneko lilura kolektiboaz gaindi, apenas du gure telebistetan lekurik. Film gehienek ez dute ETBerainoko bidea egiten, eta egileek, asko jota, promozio elkarrizketa bat edo besterako aukera dute.

Eskerrak, beste behin, Kanaldude gainontzekook baino biziago ari den: Joana Olasagaztik aurkezten duen Zinez saioa abiatu dute berriki. Zinemagile batekin izandako ordubeteko solasaldia da saioaren oinarria, eta hizketa teknikoegietan galdu gabe ere, haren lanaren ertz (ia) denetan arakatzen dute. Zinema bada hori ere: dena azkarra eta azalekoa den honetan, begirada patxadatsu eta sakonago baterako leihoa. Zinez-ek ere begi horiekin begiratzen dio zinema egitearen lanari. Hiru saio zabaldu dituzte oraingoz, baina bide luzea opa diot nik: beren ikuspegia azaltzen entzun nahi nituzkeen dozenaka artista daude oraindik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Migel Joakin Eleizegiren hezurren arrastoak itzultzeko ekitaldia, atzo. ©

Berriz ere Altzoazpiko hilerrian dira Altzoko Handiaren hezurren arrastoak

Nagore Arin

Bi urtez Aranzadiko instalazioetan egon ondoren, berriz ere Altzoazpiko hilerrira itzuli dituzte Migel Joakin Eleizegi Arteagaren hezurren arrastoak.

Itziar Ituño aktoreak Malen Zubiri politikariarena egiten du <em>Intimidad</em> telesailean. ©DAVID HERRANZ / NETFLIX

'Intimidad', Netflixen gehien ikusi den telesaila, ingelesez bestekoetan

Urtzi Urkizu

Txintxua Filmsen fikzioa 58 herrialdetan sartu da Top10ean. IMDB-ko lehen 50etan kokatu da

Eneko Orozek 'Zer ikusi euskaraz' egitasmoa jarri du martxan
Edorta Agirre. / ©Gorka Rubio, Foku

«Janari pista galduz gero, nahi duena salduko digu sistemak»

Miren Garate, Gipuzkoako Hitza

Janaren inguruan «gero eta desinteres handiagoa» ikusten du Edorta Agirrek, Amantala ta mantela liburuaren egileak. Dioenez, «zelofanez ontziratutako produktuek» hartu dute lehengaien tokia. «Horiek zer duten? Sinetsi egin behar, ez baitugu kriteriorik».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...