Albistea entzun

IRLEN SAREA

Entzuteko harpidetzak

Gorka Julio -

2020ko urriak 17

Noizean behin podcasten munduan zer mugitzen den jakitea oso interesgarria da. Azkenaldian, guda bizia da nagusi. Plataforma berriak sartu dira eta aurretik zeudenak beren burua berrasmatu behar izan dute.

Azkena iristen Amazonen podcast eta audioliburuak eskaintzen dituen Audible izan da. Ikus-entzunezko beste plataforma batzuek bezalako harpidetza eskaintzen du, 9,90 eurotan. Ordainetan, bertan bakarrik aurki daitezkeen podcast sorta bat eta beste hainbat eduki eskuratuko ditu harpidedunak.

Orain dela gutxi ere, Podimo agertu zen. Horrek nolabait podcastak egiten dituztenei ordaintzeko era gardenago bat proposatzen du. Hori baitu helburu, ordainpeko podcast merkatu bat sortzea. Horretarako, zenbait podcast egile famaturekin hitzarmenak lortu ditu. Baina esandakoa, bere asmoa orain arte doako eduki asko sortzen zen espazio batean merkatu bat sortzea da.

Spotify ere aurretik bazegoen. Podcast agregatzaile bezala garatu izan du bere identitatea, musikaz gain noski. Orain, podcast originalak sartzeko saiakera eta fitxaketak egiteko xedearekin ari da. Gardentasuna ez da izan, behintzat, orain arte bere prezio politikaren indargunea. Horrela jarraitzen du.

Ivoox, aldiz, podcastaren izaera amateurrari gehien atxiki zaion proiektua izan da. Ordainpeko bertsioa ere bazuen, publizitatea kentzeko premium kontua barne, baina ez zen bere punturik garrantzitsuena.

Azkenaldian, horrek ere podcastak zuzenean laguntzeko aukera ireki zuen. Podcast bat lagundu nahi bazenuen bertara zuzenean harpidetu eta diru bat hilero emateko aukera, alegia. Horren ordainetan podcast bakoitzak erabakitzen zuen zer eman. Besterik gabe, podcasta bera irekian zabaldu zezakeen edota eduki esklusiboagoa eskaini harpideei.

Orain, Ivoox-ek plus atera du, eta horren bidez, tarifa lau moduko bat eskaini nahi du, beste ordainpeko aukerekin batera. Hau da, plataformaren barnean ordainpeko eduki guztietara sarbidea ematen du orain, harpidetza orokor baten bidez. Bitxia iruditu zait, nolabait banaketa orekatu bat proposatzen duelako; formulan podcast egileak, plataformako gastuak eta podcastaren bakoitzaren arrakasta bateratzen saiatzen da. Eta hori ez da erraza izango.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Antsoaingo Ezkaba ikastetxeko haurrek <em>Musikaren doinua</em> abestiaren koreografia egin zuten. ©JAGOBA MANTEROLA / FOKU

Antzokian ere euskaraz

Ainhoa Larretxea Agirre

Sortzen elkarteak antolatutako euskal eskola publikoaren jaia egin dute, Antsoainen. San Frantzisko, Sanduzelai eta Ezkaba eskoletako ikasleek parte hartu dute.
 ©JON URBE / FOKU

«Zuloak egitea ez ezik, hutsuneak betetzea ere bada arkeologia»

Enekoitz Telleria Sarriegi

Arkeologo maisuen oinordekoa eta arkeologo belaunaldi askoren irakaslea da Mujika. Induskatu zuen historiaurreari buruzko lexikoa, induskatu du gazteenen harrobia, eta induskatu du Aralar. Erretiroa urruti ikusten du oraindik: «Badago oraindik zer deskubritua».
Palomaresko (Almeria, Espainia) ikerlari bat, dokumental saioaren fotograma batean. ©MOVISTAR PLUS

Plutonioa han da oraindik

Urtzi Urkizu

David Beriainek hil aurretik ekoitzi zituen lanetako bat da 'Palomares' dokumental saioa. 1966an gertatu zen istripu nuklearraren ingurukoak argitara ematen ditu, lau ataletan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna