IRLEN SAREA

Sinbionte bizitzak

Gorka Julio -

2020ko ekainak 20

Ziborgak izatera gero eta gehiago gerturatzen joango garenean, gero eta zailago egingo zaigu artifizial eta naturala zer den esatea. Non hasten da bat eta non amaitzen da bestea? Argi dugu, ez da horrela?

Nire begiekin lehen ikusten nuenaren antzeko gaitasuna izateko betaurrekoak janzten ditudanean teknikaren funtzio naturalak berreskuratzen ditut, nolabait. Noski, baina hori, ez da gorputzean txertatutako zerbait, eta egia da. Gauzak aldatuko al lituzke horrek? Orkatilan daukadan metalezko xafla, belauneko inplantea edo murtxikatzen jarraitzeko ezinbesteko izango ditudan inplanteak ezberdinak al dira?

Beharbada, afera teknologia mailan dago. Horiek teknologia maila baxuagoak direlako, ez ditugu teknologia bezala ikusten. Zer gertatzen da orduan bihotzak funtziona dezan taupada-markagailua behar duten pertsonekin edota intsulina-bonba automatiko bat dutenekin? Horiek ere onartzen baditugu, non dago muga, orduan? Naturalki egin ezin genituen gauzak egiteko aukera ematen diguten teknologia txertatu horietan, akaso?

Zaila da esatea, ikusmena edo entzumen hobea izateko aukera ematen diguten gailuak txertatuta baditugu hori horrela den. Lehen baino hobeto edo urrunago ikusteko aukera ematen diguten inplanteak edo moldaketak izan daitezke muga? Edo akaso, demagun beste pertsona batekin komunikatzeko aukera dugula «telepatia» antzeko mekanismo baten bidez, sakelako telefonoaren zenbait funtziok gure belarrian txertatuta ditugulako. Edo, garuna, makina bati konektatzeko aukera badugu, gure pentsamendu propioak «gogoratzeko» aukera gehiago dugunean, zer?

Arau sorta bat eman eta beharrezko zaigun hori egiten duten teknikek osatzen dute teknologia. Argi dugu gu ez garela teknologia, ez garelako arau sorta horiekin programatuak izan behar eta aukeratzeko hautua egin dezakegulako, baina eskola, familia, hedabideak, kultura... denek programatzen gaituzte.

Eta arazoa sortzen dugun dikotomia horretan balego? Zergatik berezitu behar dugu naturala eta artifizialaren artean. Naturala zer den baldin badakigu, baina artifiziala naturalizatzen joaten bagara, gero eta zailagoa izango da bien artean bereiztea; zentzua bera galdu arte. Gizaki hibridoak gara jada, eta bizidunak. Gure bi izaerarekiko sinbionteak, pertsona eta makina, makina eta pertsona.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna