Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

EKOGRAFIAK

Zaindu maite duzun hori

Miren Manias -

2019ko ekainak 7

Azkenean eman diot aukera bat: O sabor das margaridas (2018) telesaila ikusten hasi naiz Netflixen. Plataforman estreinatutako galizierazko lehenengo telesaila da, hain zuzen ere. Martxoaren 31n estreinatu zuten, eta Erresuma Batuko lehen hamar telesail ikusienen artean kokatu da. Hori da marka. Thriller horren istorioa neska gazte baten bahiketan oinarritzen da, Murias izeneko herri txiki batean. Iragan traumatikoa izan duen emakumezko guardia zibil batek hartzen du kasua, eta hiltzailea bilatzen saiatuko da. Gidoiak Eskandinaviako telesailen kutsua dauka (nordic noir). Bron/Broen-eko (2011) Saga Noren emakumezko protagonista ekarri baitit gogora. Errealizazioari dagokionez, benetan lan txukuna egin dute. Horrez gain, aktore ia guztien lana ere nabarmenduko nuke. Beharbada, 70 minutuko atalak luzeegiak iruditu zaizkit; izan ere, istorioak motel egiten du aurrera, eta batzuetan erritmo falta dago. Laburbilduz, Netflixen ikusgai dauden beste telesailen aurrekontuekin alderatuta, O sabor das margaridas-ek meritu ikaragarria duela esango nuke.

Galiziako telebista publikoan (TVG) ere eman dute aurretik, 2018an. Netflixek ikusle datuak argitaratzen ez dituenez, ezin da jakin audientzia datu berdinak eskuratu dituen ala ez. Dena den, Galiziako lagun bati galdetu diot telesailari buruz. Dioenez, O sabor das margaridas nekez identifika daiteke Galiziarekin, apenas dagoelako lurraldearen ezaugarririk. Miguel Conde zinemagile galiziarrak zuzendu du telesaila. Ekoizpena Galiziako telebista publikoak, Comarex eta CTV produkzio etxeek egin dute. Aktoreen artean, bada galiziar aurpegi ezagunik: Nerea Barros. La isla minima (2014) filmagatik Goya sari bat eskuratu zuen, hain zuzen ere. Nire lagunak dio berri oso ona dela Netflixen moduko plataforma batean galizieraz egindako produktuak izatea, baina bi ahoko ezpata izan liteke. «Netflix ez da produktuak zaintzen dituen VoD boutique bat, bereziki». Gainera, uste du Netflixek gehiago inbertitu beharko lukeela hizkuntza gutxituetan.

Telesailaren ekoizleek bigarren denboraldia egin nahi dutela adierazi dute. Baina nola hasi dezakete telesail bat bigarren denboraldirik egongo dela jakin gabe? Ziur aski, Netflixi ez dio ardura. Beraz, norberak zaindu beharko du maite duen hori.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Netflix Euskaraz herri mugimenduaren agerraldia, Durangon, apirilaren 17an. ©Endika Portilo / Foku

Hizkuntzen berdintasunaren alde lan egiten dutenek salatu dute legean ez dagoela urratsik

Paulo Ostolaza-Urtzi Urkizu

Ikus-entzunezko legeak ez baditu kuotak ezartzen, ERCk ez ditu babestuko Espainiako aurrekontuak. Legea bere horretan onartuko balitz, Netflixek, Disney Plusek, HBO Maxek eta Amazon Prime Videok ez lukete edukiaren %6 gutxienez euskaraz, katalanez edo galegoz izan beharko. Espainiako Gobernuak adierazi du, bestalde, zabalik dagoela negoziaziorako eta legearen tramitazioan aldaketak egiteko.

 ©JON URBE / FOKU

«Egin kontu: ez daukat gonarik, ez mototsik, baina liburuzaina naiz»

Enekoitz Telleria Sarriegi

Topikoen kontrako borrokaz eta liburutegien egiteko berriez ari da Juarez. Muskizko liburuzaina da, eta haien elkarteko burua. 30 urte bete ditu elkarteak berriki. 'Antolatzearen diziplina' liburua itzuli dute.
1 ©JAIZKI FONTANEDA / @FOKU

Olibak jaso, olioa egiteko

Amaia Ramirez de Okariz Kortabarria

Euskal Herrian ere badira olibondoak eta badago oliba olioa. Nekazariak eta dolareetako langileak buru-belarri dabiltza lanean azken asteetan, aurten jasotako uzta olio bihurtzen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.