Albistea entzun

EKOGRAFIAK

Baloirik Gabeko Eurokopa

Juan Luis Zabala -

2021eko ekainak 18

Baloirik gabeko irudi interesgarriak eskaini ditu dagoeneko, hasieran baino ez dagoen arren, futboleko Eurokopak: bigarren partidako lehen zatiaren amaieran, bat-batean, Danimarkako jokalari bat, Christian Eriksen, konortea galdu eta lurrera ziplo hilzorian erorita, taldekideek, larrialdi betean izututa, ahal zuten moduan babestua eta azkenik, zorionez, haietako batek eta medikuek salbatua; 68.000 mila lagun maskararik eta bata bestearen ondo-ondoan jartzeko erreparorik gabe, Budapesteko Puskas Arena estadioan, Hungaria eta Portugalen arteko partida ikusten, pandemiarik ez balitz edo betiko amaitua balitz bezala; Frantzia eta Alemaniaren arteko partida hasi aurretik, Greenpeaceko parapente gidari militante bat, Volkswagenen aurka protesta egin nahian, estadioan bertan istripua izan eta bertan zartatuta hiltzetik gertu; lehiaketako izar handienetako bat, Cristiano Ronaldo, Coca-Cola botilak kameren aurretik kentzen eta, haien ordez, ura erakusten, elikadura osasuntsuari buruzko kezkak eta edari azukretuen aurkako jarrerak hartaratuta; beste izar bat, Frantzia eta Alemaniako taldeen arteko partidako MVP Most Valuable Player izendatua —jokalari onena—, Paul Pogba, Ronaldok Coca-Cola botilekin egindakoa Heineken markako garagardo botilekin egiten, despistaturik, ordea, antza denez, edari alkoholdunen aurkako keinua egiten ari zelakoan zokoratu zuen botila alkoholik gabeko garagardoarena baitzen...

Baliteke artikulua idazten ari naizenetik argitaratzen den arte baloirik gabeko irudi eta istorio gehiago sortu izana, aipatutako horiek zaharkituta utzita. Irudi horiekin irabazian atera da Eurokopa, futbolzale ez direnak ere hartaz hizketan jarri baititu. Gai guztiak hazi egiten baitira futbolaren itzalean; eta futbolaren itzalean hazitako gaiek, sinbiosi harmoniatsuan, futbola bera elikatzen eta indartzen baitute.

Botilen aferak badu bere mamia. Ronaldoren keinu txikienak ere mundu osoan zer oihartzun handia duen aintzat hartuta, Coca-Colak burtsako balioetan 4.000 milioi dolarreko galera izan duela jakinarazi du, eta gure gupidari dei eginez elkartasun eske hastea baino ez zaio falta izan. Jakingo ez bagenu bezala, paradoxikoki, Coca-Cola bera dela gaur-gaurkoz aurtengo Baloirik Gabeko Eurokopa irabazteko faborito nagusia.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAIZKI FONTANEDA/ FOKU

«Ez da gaztetxearen inguruko film soil bat»

Amaia Jimenez Larrea

'Mari. Isilik nahi gaituztenan' Oñatiko Antixena gaztetxearen hamargarren urteurrenaren harira sortutako film bat da, fikziozkoa. Datorren astean estreinatuko da, Oñatin eta Durangoko Azokan.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©FRANCK LAPUYADE

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

 ©MARISOL RAMIREZ / FOKU

«Hemengo irrati batzuk hasiak dira jolasten adimen artifizialarekin»

Urtzi Urkizu

Adimen artifizialarekin narrazioak sortu, eta horiek 'Zero eta bat' podcastera eramaten ditu Erezumak. Gaur sareratuko du hirugarren atala. «Esperimentatzen jarraituko dut».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...