Albistea entzun

EKOGRAFIAK

Enpatia

Lander Arretxea -

2019ko ekainak 13

Ez dakit zer jende klase duzuen zuek bueltan. Ez dakit zer moduz dauden, zein arazo eta buruhauste dituzuen. Baina barnean soziologo kaskar bat daraman orok bezala —eta datu orokorragoen faltan—, albokoei begiratuta ondorio potoloak ateratzen ditut nik. Inguruan ditudan asko antsietateak edo estresak jota eta, oro har, autoestimua makalduta daude. Lan —gehiago edo gutxiago— publiko bat egiten dutenak, batik bat: nekatuta eta arduraz nola kudeatu asmatu ezinda norberaren kanpo-identitate hori. Kosta egiten zait nire burbuilatik haragokoen egoera oso bestelakoa denik pentsatzea.

Telebistan ikusten ditudanekin, berdin. Pixkanaka aldatzen ari da joera, baina oraindik ere ez da ohikoa astero-astero pantailan —sare sozialetan, telebistan, berdin dit— ikusten ditugun horiei gorabehera psikologikoak izateko aukera aitortzea. Kirolariek, kasurako, funtzio bat eta bakarra dutela dirudi: ez diela zertan eragin presioak eta pertsonaia publiko izateak, edo bestela, arindu beharko litzaiekeela zama trukean poltsikoratzen duten diruarekin. (Kirolari jartzen duen tokian jarri aurkezle, bertsolari, aktore, kazetari, youtuber...). Ikuslearen rolean jarrita, errendimendua epaitzen dugu beti. Baina norberaren ongizateak ezinbestean baldintzatzen du lan onerako gaitasun hori.

Tabua ere bada oraindik. Plazaratzen dira tarteka desitxuratutako depresio eta antzekoen kasu batzuk —Marcel Kittel, Kit Harington, Miley Cyrus...—. Baina urrun eta gutxi. Gure bueltan, oro har, bolada ilunean diren pertsonaia publikoek ahal duten moduan disimulatzen dute; edo gehiago ezin dutenean, aldi batez desagertzen dira, azalpenik eman gabe. Eufemismo arinagoen bidez izendatzen dute, asko jota, kasurik esplizituenean ere: «Neure buruarekin konektatzeko denbora pixka bat behar nuen».

Ez dakit zer jende klase duzuen zuen bueltan. Lagunartean, Twitterreko timeline-an, lan-giroan, ikaskide izandakoen artean. Baina ingurura begiratu eta hala esaten dit barruko soziologo kaskarrak: produktibitatea, anbizioa, eta halakoak kuestionatzen gabiltza neoliberalismoaren tranpak direlakoan, baina begirada hori itzaltzen dugu sofan eseri bezain pronto. Falta zaigu bestearen tokian jartzea; enpatia pixka bat (edozein) pantailaren beste aldean dagoenarekin.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Manel Vidal, astearteko saioan ©Berria

TV3ek Manel Vidal umorista kaleratu du, PSC svastika batekin lotzeagatik

Urtzi Urkizu

TV3eko zuzendariak Zona Franca saioa egiten duen ekoiztetxearekin batera hartu du erabakia. TV3eko Programetako Kontseilu Profesionalak kaleratzea salatu du, eta aurrekari bat sortu dela kritikatu.

Ylenia Baglietto eta Lander Otaola aktoreak, goizean, Bilboko udaletxean ©Bilboko Udala

Ylenia Baglietto eta Lander Otaola aktoreak izango dira Farolin eta Zaranbolas Bilboko aratusteetan

Amaia Igartua Aristondo

Besteak beste, ETB1eko 'Goenkale' telesailean egin zuen lan Bagliettok, eta 'Vaya Semanita'-n Otaolak. Inauteriak otsailaren 17an hasiko dira, pertsonaion atxiloketarekin eta epaiketarekin, eta 21ean bukatu.

 ©JAIZKI FONTANEDA / FOKU

«Nire lanbidea artearekin lotzen saiatzen nintzen beti»

Unai Etxenausia

Armestok biltegian gordeta zeuzkan lan batzuk aurkeztu ditu Gasteizko Zas Kultur Espazioan. Marrazkiek «pertsonen arteko komunikazioa eta inkomunikazioa» erakusten dute.
 ©ETB

«Beste gauza batzuk probatu nahi ditut»

Urtzi Urkizu

Igandean, Gurrutxagaren agurra izango da ETB1eko 'Herri txiki, Amerika handi' saioan. Zortzi denboraldiren ondoren, beste aurkezle bat arituko da 'Herri txiki, infernu handi'-n.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.