Albistea entzun

IRLEN SAREA

Datu osasuntsuak

Gorka Julio -

2022ko ekainak 11

Osakidetzaren eraistearen erdian, zerbitzu publikoaren suntsipena kultura aldaketaz jantzi nahi dutenean, sinatu berri dute Osakidetzak eta Mutualiak espediente eta historia klinikoetara zuzeneko sarbidea izateko hitzarmena. Lankidetza-hitzarmen horren bidez, bi erakundeetako pertsonal fakultatiboek bi zerbitzuen asistentzia jasotzen duten pertsonen datuak eskuratu ahalko dituzte orain.

Batzuk konturatuta daude, baina beste batzuk oraindik ez dira jabetu datuen garrantziaz. Akordio horrek zerbitzuak erabiltzen dituen pertsonen erosotasunerako dela ulertuko duenik ere izango da. Hala ere, argi dago gertatu den testuinguruan, pribatizaziorako beste bide edo bektore bat dela. Hitzarmena bertan behera gelditzea edo horri moratoria bat ezartzea garrantzitsua da. Aldi berean, datuek duten balioaz jabetuta, horiek denen intereserako nola erabili genitzakeen pentsatzeko garaia ere bada.

Ikerketa eta erakunde publikoek gure datuekin era horretako erabakiak har ditzaketen bitartean, herritarrek ez dute beren datuekiko inongo kontrolik. Haiek izan beharko lukete, eta ez beste inor, datuen jabe, eta zertarako erabili daitezkeen erabakitzen dutenak. Arlo publikoak horretarako bide eman beharko luke, bai, baina ez arlo pribatuari datuak oparitzeko, baizik eta denentzako hobekuntzak ekarriko dituzten ekimenak gauzatzeko.

Beste bide bat datu kooperatibena ere izan daiteke. Ahal den guztietan irabazi asmorik gabeko eta arlo publikoarekin elkarlanean bide interesgarriak aztertu daitezke. Beste leku batzuetan garatuago daude, Salus.coop edo Midata.coop kasu. Gurean oraindik ez dago antzeko ezer eta kontu handiz kudeatu beharreko gaia dela ezin uka. Dena merkantzia bihurtzen duen sistema batean bizi gara, eta datuak aspaldi pasatu ziren kategoria horretara.

Ikusi nahi ez dugun arren, sarean nabigatzen ari garenean, zerbitzuak erabiltzen ditugunean edota ibili soilarekin datuak sortzen ditugu; sortzaile gara, baina kasu gehienetan sortu bezala, gure sorkuntzatik desjabetzen gaituzte. Ez dugu inongo kontrolik sortzen ditugun datuekiko eta haiekin egiten den erabilerarekiko. Kasu onenean onespena eskatuko digute. Hortik harago ezer ez, eta, datuak behar ditugu, ezinbestekoak zaizkigu denontzat etorkizun hobeagoak planifikatu ahal izateko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©BERRIA

«Urtubiaren gertukoei gustatu zaie filma»

Urtzi Urkizu

Netflixek Lucio Urtubiaren bizitzari buruzko filma estreinatuko du gaur: 'Un hombre de acción'. Amezkua da gidoilaria, eta azaldu du Urtubiaren bizitzeko moduari eta pentsamenduari fidelak izatea funtsezkoa zela.
 ©EZEZAGUNA / EZEZAGUNA

Iruindarren euritakoak dantzan

Itsaso Jauregi

Iruñean San Saturnino eguna ospatu dute, aterkien azpian. Erraldoirik eta prozesiorik gabeko hirugarren urtea izan da herritarrentzat, baina euriaren azpian kantuan jarraitu dute.
Ezkerretik eskuinera: Ane Garai eta Maialen Oleaga. ©BERRIA

'Kuirpunk' doinuen eztanda

Unai Etxenausia

Perlata eta La Soga del Muerto taldeetako partaideek dena ematen dute oholtzara igotzen diren bakoitzean. Argi daukate jotzeak ematen dien askatasunaz bizi behar dituztela kontzertuak, beti arduraz bizi beharrean.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©FRANCK LAPUYADE

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...