Albistea entzun

EKOGRAFIAK

Motibo bila

Lander Arretxea -

2019ko apirilak 16

Jakingo ez duzu ba. Tarteka Aralarreko kobazulo batera betiko erretiratzeko desira ezkutuak hartzen bazaitu ere, zu ere bizi zara konektatuta. Urtero egiten duzu mehatxu —edo promesa da?— biak uztearekin, baina Twitterren eta Facebooken zaude oraindik. Zu ere jaisten zara tabernara igande arratsaldean kuadrillakoekin ezer berezirik egin gabe pasatzeko. Han zain dituzun lagunek ez dute aspaldian beste ezertaz hitz egiten. Are, zure baimenik batere gabe, memez eta iruzkin ingeniosoz bete asmo duten Whatsapp talde batean sartu zaituzte. Bai, Game of Thrones-en denboraldi berria hasi da. Eta zer?

Zu pertsona autonomoa zara, independentea, korronteari jarraitzen ez dion arraina. Zer diot arraina, espezie katalogaezina zara zu; ez duena bere bizitzako ordu bat oparitzeko asmorik HBOko CEOek marketin estrategia diseinatu zutenean zu eta zutarrak harrapatzeko pausoekin asmatu zutelako. Lost ez ikustea lortu zenuen. Ez duzu erosi Berri Txarraken azken kontzertuetara joateko sarrerarik. Zirrara kolektiboa baino gehiago behar da zugan eragiteko. Betiko fantasia bera da, gainera, bere dragoi —originala, ezta?— eta guzti. Ez al da nahikoa istorio mundu honetan bestelakoak irudikatu behar izateko? Zenbat iluminatu ote dabil Euskal Herrian barna, King´s Landing mapa (asmatu) batean kokatzeko gai, Donapaleu herri bat edo txirrindulari belgikar bat den bereizten ere jakin gabe?

Aitortzen duzu, konplexurik gabe, hasieran bazuela irrika pizten zizun zera fresko bat; originala zela, atsegina. Baina arrakastak freskotasuna itotzen du beti. Txikle bat bezala luzatu dute —eta hala segituko dute non eta ez dion errentagarria izateari uzten—, istorioak eskatzen duenaz ahaztuta, bukaera jakin nahi duena itxaronaldi etengabera behartuz. Zure denborak baliorik ez balu bezala.

Zuk ere ikusi duzu Gaztelugatxe nola dagoen orain; nola bihurtu den peregrinazio gune. Auzo-lotsa eta amorrua eragiten dizkizu; ez dakizu esaten gehiago zer. Ez duzu izan nahi horren guztiaren isilpeko konplize. Horregatik erabaki duzu —harro gainera— atera berri duten atala, oraingoz, ez ikustea. Horregatik, eta bi ordu baino gutxiago dituzulako, urtebetez espero izan duzun atal berria aitzakia hartuta, original samarra izan behar lukeen zutabe bat idazteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aguada Fenixeko indusketa gunea, LIDAR teknologia bidez hartutako irudi batean. / ©Alfonso Bouchot / Wikimedia Commons (CC BY-SA)

Ezkutaturik dauden 478 monumentu aurkitu dituzte Mexikon laser bidez

Jon Ordoñez Garmendia

Oihanak estaltzen dituen lautada artifizial batzuk atzeman ditu zientzialari talde batek, Mexikoko Gobernuak LIDAR teknologiaren bidez hartutako irudiak aztertuz.

 ©MARISOL RAMIREZ / FOKU

«'Kontrol' hitzak adiera ezberdinak ditu armen merkatuaz hitz egitean»

Amaia Ramirez de Okariz Kortabarria

Urteak daramatza Calvok armen salerosketa ikertzen, Delas zentroan. Industria hori kontrolatzea posible den ala ez: galdera hori izango du hizpide Gasteizen bihar emango duen hitzaldian.
Berria Ikasgelaren Tutoriala

BERRIA Ikasgela, egunerokoarekin ikasteko tresna

Mikel P. Ansa

Proiektu berri bat sortu du BERRIA egunkariak: Ikasgela. 12 urtetik aurrerako ikasleekin eskola orduetan lantzeko gaiak proposatuko ditu webgune batean: Berria.eus/ikasgela.

HBO Max plataformak gaur estreinatuko du <em>Todo lo otro</em> telesaila; Abril Zamorak sortu du. ©HBO MAX

HBO Max gaurtik martxan da Hego Euskal Herrian, eduki berriekin

Urtzi Urkizu

Plataforman HBO, Max Originals, Warner Bros, DC eta Cartoon Networkeko edukiak daude

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.