Albistea entzun

EKOGRAFIAK

Hiruko erregela

Miren Manias -

2019ko ekainak 5

Niri ere gaizki iruditu zait ETB1eko Autentikoak saioa gehiago ez egiteko erabakia. Bereziki, sei atal besterik ez dituztelako eman. Mikel Pagadik eta Fermin Etxegoienek lan txukuna egin dute aurkezten, baita gainerako lantaldeak ere. Ez da nire gustuko programa bat, eta soilik bi aldiz ikusi dut. Baina iruditzen zait «ikusle datu txikiak» (%1,36ko kuota) eta helburu zuten «tonura» —sei ataletan— ez iristeak ez duela justifikatzen Autentikoak euskarazko telebista publikoaren programaziotik kentzea. Bat, estreinaldian %1,8ko ikusle kuota izan zuen, eta %0,4ko aldeari eutsi ez diolako kenduko dute; eta, bi, late night formatu baten «tonua» denbora ezin laburragoan garatu ez dutelako. ETB zer da, publikoa ala pribatua? Zenbat late night egin dira azken urteetan ETBn? Eta euskaraz? Eta zuzeneko emisioarekin? Euskarazko kate publikoaren kasuan, ikusle datu txikiak saio bat programaziotik kentzeko argudio gisa erabiltzea akatsa dela esango nuke. Bestela, hiruko erregela erabilita, ETBko arduradun askok kalean egon beharko lukete jada. Ez dakit zer pentsatuko duten bertako eduki arduradunak eta zuzendariak, esaterako.

Euskarazko ikus-entzunezko sektorean jende (gazte eta heldu) asko dago edukiak egiteko gaitasunarekin, ilusioarekin eta gogoarekin. Atzo EITBren webgunean estreinatutako Puntu Koma websaila da horren adibide bat. Hamar minutu inguruko sei atal ekoiztu dituzte. Lehenengoa sakelakoan ikusi dut. Istorioak gutxi egiten du aurrera, baina nahikoa informazio dago ikusleak hurrengo atala ikusteko gogoa izan dezan. Hori da websailen elementurik indartsuenetako bat, eta ondo baliatu dute. Errealizazioa eta aktore lanak txukunak dira; bereziki gustatu zait sarrerako grafismoa. Datorren astera arte itxaron beharko dut beste atal bat ikusteko —edo bost aste luze pasatu guztiak aldi batean ikusteko—. ETB1en, berriz, astelehenean emango dute lehen atala.

Hiruko erregela ez da tresna egokia kultura edukiak kudeatzeko orduan. Ezta produktuen emaitzen zenbakietan soilik oinarritzea ere. Kudeaketa publikoan eta hizkuntza gutxituen kasuan are gutxiago, esango nuke. Etengabeko aldaketa garaia bizi du telebista sistemak, eta horri ondoen egokitzen ikasteko prozesua konplexua da. Arduradunentzat, baita eragileentzat ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.
Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...