Albistea entzun

EKOGRAFIAK

Traola

Miren Manias -

2019ko ekainak 21

Euskarazko Wikipediaren arabera, zenbaki markatzat hartzen den # ikurraren euskal izena da traola. «Forma bera duen arrantza tresnatik datorkio izena». Hitz bera ematen zaio ikur hori hartzen duen metadatuen etiketari ere. Hitz bitan, ingelesezko hashtag-a. Twitter sare sozialean, esaterako, gaiak, lekuak, komentarioak... etiketatzeko jartzen da traola, karaktere segidaren hasieran: #BERRIA, adibidez. Hala, klik eginez, traol hori duten mezuak berreskuratu daitezke. Normalean, gai zehatzak aurkitzeko erabiltzen da. Eta zer motatako informazioa eman dezake traol batek telebistako saio bati buruz?

Astearte gauean —nahiz eta orain 23:00etan iluntzen duen Eskozian—, Erresuma Batuko lehen ministro izateko hautagaien zuzeneko eztabaida jarraitu nuen BBCn. Gaiak interes handia du barrura zein kanpora begira; izan ere, alderdi kontserbadoreko boto gehien lortzen duen hautagaiaren profilak markatuko du brexit-aren norabidea. Eta herrialdean bizi garen europarrok, besteak beste, jakin nahi dugu —behingoz— zein izango den gure egoera.

Emakumezko hautagaien faltan, aurkezle lanetan emakume bat jarri zuten. Emily Maitlis kazetariak gidatu zuen programa. Eztabaida nahiko aspergarria iruditu bazitzaidan ere, formatuak atentzioa eman zidan. Hautagaiak platoaren erdian jarri zituzten, eta kazetaria albo batean. Galderak, berriz, Erresuma Batuko hainbat puntutatik egin zituzten herritarrek, zuzeneko konexio bidez. Esango nuke, denbora oso neurtua duen telebista saio baterako, tresna egokia dela azken hori. Gonbidatuak platotik kanpo izanik, errazagoa baita egoera kontrolatzea aurkezlearentzat. Baina distantziak politikarien alde jokatzen du, guztiek baliatu zutelako hutsune fisikoa hala moduz erantzuteko.

BBCk pantailaren goialdean jarri zuen saioari lotutako traola: #OurNextPrimeMinister. Twitterren klik egiten baduzue, irakurriko duzue Maitlis ezaguna dela europazalea izateagatik. Beraz, komentarioak daude haren aurka. Saioaren formatua ere kritikatu dute batzuek. Eta, oro har, politikarien gaineko memeak dira zabalduenak. Informazio interesgarria eman dezake traolak, baina telebista saio baten azterketa egiteko tresna osagarriak baliatu beharko lirateke. Denbora zehatz eta espazio oso aldakorrean hartutako banakako adierazpena baita traola.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
1 ©GOTZON ARANBURU / FOKU

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.
Mikel Pagadizabalek Miren Nogalesekin batera aurkeztuko du <em>Herri txiki, infernu handi</em>-ren denboraldi berria. ©ORIO P.

Miren Nogales izango da 'Herri txiki'-ko aurkezle berria

Urtzi Urkizu

ETB1eko saioak igandean hasiko du bederatzigarren denboraldia. Nogalesek beteko du Zuhaitz Gurrutxagak utzitako tokia

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.