Albistea entzun

EKOGRAFIAK

Literatura eta besaulkiak

Juan Luis Zabala -

2020ko urriak 1

Hasier Etxeberria Sautrela egiten gertutik ikusteko aukera izan zutenek badakite oso kutuna zuela saio hura, eta ahalegin handia egin zuela beti saioaren alde, zaletasun eta kezka iturri nagusien artean zuelako literatura oro har, euskal literatura bereziki.

Etxeberria hil zenean, Arte[faktua] saioak hartu zuen, Yolanda Mendiolak aurkeztuta, Sautrela-ren lekukoa. Aldaketa batzuk eginda baina funtsean ildo nagusi berari jarraituz: idazle bati egindako elkarrizketa da (ia-ia) beti ardatz nagusia, kasu gehienetan haren liburu berri samar batean oinarrituta. Lehen leku finko batean egiten zen solasaldia, orain elkarrizketatuak hautatzen du non egin, eta amaieran, lehen ez bezala, elkarrizketatuaren gonbidatu batek ere parte hartzen du. Gainerakoan, hainbat eratako sail osagarriak lantzen dituzte saioan, garai bateko erreportajeen ordez. Funtsean, euskal idazleak eta haien lanak ezagutzeko eta promozionatzeko aukera ematen du, eta eskertzekoa da egiten duen ekarpena.

Euskal literaturak behar-beharrezkoa du Arte[faktua]. ETB1ek euskal literaturari hori baino gutxiago eskaintzea laidoa izango litzateke, lotsagabekeria galanta. Baina, amesten hasita, ez legoke gaizki horrez gain literaturan eta haren inguruko gaietan gehiago eta patxada handiagoz sakontzen lagunduko lukeen saio bat ETB1en, idazleak ezagutzeko elkarrizketen ordez iritzi ezberdinetako hainbat idazleren, kritikariren, editoreren edo bestelako adituren arteko eztabaida eskainiko lukeena. Besaulki sakoneko saio horietako bat daukat buruan, TVEeko garai bateko La clave haren antzeko zerbait. Demodé? Kontuz! Modak ez al dira ba ziklikoak?

Gai faltarik ez legoke: literatura engaiatuari buruzko debate agorrezina; autofikzioaren aurkako eta aldeko argudioak; euskarazko prosaren aurrerapenak eta premiak; euskalkien erabilera; lehiaketak, sariak eta bekak... Saltsa pixka bat, behintzat! Dena den, argi esan behar da —nire kasuan errepikatzea bada ere—, telebistak euskal literaturari —euskaraz idatzitakoari nahiz euskarara itzuliari— laguntzeko egin dezakeen ekarpenik eraginkorrena dela euskal fikzioaren eskaintza —euskaraz sortutakoarena nahiz euskarara itzuliarena— ugaritu, aberastu eta promozionatzea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©IDOIA ZABALETA / FOKU

«Emakume indartsu bat da 'señora' bat»

Ane Insausti Barandiaran

Belaunaldien arteko sareak indartzeko eta emakume bertsolarien ahalduntzean sakontzeko sortu dute sariketa. Beste lehia mota bat egiten saiatu nahi dute, umorea ardatz hartuta.
 ©JON URBE / FOKU

«Hutsune handi bat zen saioa ez egotea»

Urtzi Urkizu

Bertsorik ia ez da entzun Euskadi Irratian denboraldi honetan, baina larunbatean hasiko da berriz 'Hitza jolas' irratsaioa. Gorrotxategik gidatuko du, eta, hasieran, Sukiak utzi zuen ildoari jarraitu nahiko lioke.
Alaitz Saizar eta Emory. ©ALAITZ SAIZAR

«Homosexuala izatea immorala da Malawin»

Jone Arruabarrena

Malawin zegoela, Emory 23 urteko gaztearen kasuaren berri izan zuen Saizarrek. Lesbiana izateagatik kale gorrian geratu zen Emory, eta kanpaina bat abiatu dute orain biek, LGTBIQ+ kolektiboaren alde.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna