Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

EKOGRAFIAK

Ezberdin irizkideak

Juan Luis Zabala -

2021eko martxoak 30

Alderdi askotatik izan zen interesgarria ETB1eko Ezberdinak saioaren aurreneko atala, joan den asteazkenean. Alex Sardui eta Leire Martinez, Gatibu eta La Oreja de Van Gogh taldeetako kantariak hurrenez hurren, elkartu zituen Julen Telleria aurkezleak grabazio estudio batean, honetaz eta hartaz mintzatzeko, bereziki profesional gisa batzen eta bereizten dituztenei erreparatuz.

Lehendik haren berri handirik ez nuelako edo, oso interesgarriak iruditu zitzaizkidan Martinezen adierazpenetako batzuk. Ospearen ondorio okerrenak kudeatzeren zailtasunei buruzkoak bereziki. Konbentzimendu eta sinesgarritasun osoz egin zuen aldarria: «Kanpoko inor ez da etorriko esatera nor naizen ni».

Esanguratsua izan zen sarean batari zein besteari albiste bila hasitakoan agerian geratu zen kontraste nabarmena: Martinezi buruzko albiste guztietan musika ez zen aipatu ere egiten edo bigarren planoan zegoen, kontu pertsonalak ziren nagusi. Prentsarik horienaren zerbitzuko paparazzien jazarpenaren biktima izan zenekoa ere oso modu naturalean kontatu zuen.

Saioaren planteamendua interesgarria da eta pentsatzekoa da fruitu onak emango dituela aurrerantzean, gonbidatuen aukeraketan asmatuz gero behintzat, lehen saioan asmatu zen bezala.

Nolanahi ere, zorrotz jarrita, bi elkarrizketatuen arteko adostasunak ez zuen bat egin saioaren izenburuarekin eta planteamenduarekin. «Gai askotan muturreko iritziak dituztela jakingo dute bai Leirek eta baita Alexek ere, baina beste zenbait arlotan euren ikuspuntuak hain urrun ez daudela ere ikusiko dute», iragarri zuen ETBk saioaren berri emateko zabaldutako oharrean. Saioa ikusi ostean, ordea, argi geratu zen gehiago zirela adostasunak «muturreko iritziak» baino, eztabaidagarriak izan zitezkeen gaietan ere berehalakoa eta erabatekoa izan baitzen Sardui eta Martinezen arteko adostasuna.

Lehen ere agertu da gaia Ekografia hauetan —nire arkanbele kantetako bat dela esan daiteke—: debate sakonen falta sumatzen da ETBn, eta euskal kulturan oro har. Patxadatsuak, gogoetatuak, arrazoituak, argumentatuak, haserrerik eta oihurik gabekoak ahal baldin bada, baina sakonak, eta horretatik, duen balioa eta interesa ukatu gabe, oraingoz behintzat, urrun samar sumatzen dut Ezberdinak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Netflix Euskaraz ekimenaren agerraldia, apirilean, Durangon (Bizkaia). ©Endika Portillo / Foku

Espainiako Gobernuko iturriek esan dute atzerriko plataformek ez dutela %6ko kuotarik bete beharko

Urtzi Urkizu - Paulo Ostolaza

Gaur onartu dute Espainiako ikus-entzunezkoen lege berria, eta hainbat hedabideren arabera, Netflixek, Disney Plusek, HBO Maxek eta Amazon Prime Videok ez dute edukiaren %6 gutxienez euskaraz, katalanez edo galegoz izan beharko. ERCk iragarri du emendakinak aurkeztuko dizkiola testuari.

'Leonard' kometa, azaroaren 19an, Mungiatik ateratako argazkian. / ©Alex Escartin

'Leonard' kometa ez da hautsi, eta datorren astean begi hutsez ikusi ahal izango da

Jon Ordoñez Garmendia

Espero zen bidea egiten ari da Leonard kometa, eta datorren astean begi hutsez ikusi ahal izango da Euskal Herrian. 80.000 urtean behin hurbiltzen da Lurrera.

Iruindarrak <em>Agur, jaunak</em> kantatzen, San Saturnino egunean, atzo, Iruñean. ©OLAIA L. GARAIALDE

Kanta-kantari iruindarrak

Olaia L. Garaialde

Kantuan eta dantzan, iruindarrek San Saturnino eguna ospatu dute arkupeetan babestuta. Euria dela eta, bertan behera utzi behar izan dituzte Iruñeko Udalak antolatutako gauza gehienak: besteak beste, erraldoiak.
1 ©JAIZKI FONTANEDA / @FOKU

Jaien itzulera, kolokan

Amaia Ramirez de Okariz Kortabarria

Herrietako festak itzuliko zirela zirudien, baina koronabirus kasuak ugaritu egin dira, eta bertan behera utzi dituzte hainbat. Herri batzuetan, ordea, lehenago edo geroago izan, jaiak ospatzeko aukera izan dute, betiere osasun neurriak gogoan izanda. Gehienek garaian garaiko egoerara egokitu dute egitaraua.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.