Albistea entzun

EKOGRAFIAK

Pantailak (eta tabernak) euskaraz

Juan Luis Zabala -

2021eko ekainak 11

Leiho honetan agertzen hasi nintzenetik ia eguneroko kezka dut —zilegi bekit hiperboletxoa— zenbateraino erabil dezakeen lehen pertsona, eta bere burua protagonista bihurtu, zutabegileak bere idazlanetan. Baina, ikusirik gure arteko zutabegile laudatuenetako batzuek nahiko maiz egiten dutela hori, uste dut ez dudala barkamenik eskatu behar idazle gisa joan den 37 urteetan bizi izandakotik aterako ondorio bat aipatzeagatik. Eta ondorio hori da duela 37 urte euskarazko liburuen premia gorrian zegoela euskara, eta horregatik sustatzen zirela sariketa bidez era guztietako idazle eta idazlan berriak, baina egun idazlez eta liburuz nahiko osatuta dagoela euskara, eta askoz premia handiagoa duela, adibidez, tabernetako zerbitzari euskaldunenak eta euskarazko ikus-entzunezkoenak. Horregatik, eta beste kontu askorengatik, zalantzarik gabe egiten dut bat Pantailak Euskaraz ekimenarekin eta haren aldarriekin, Tabernak Euskaraz ekimena sortuko balitz bat egingo nukeen bezala.

Zutabegile gisa dudan eguneroko beste kezka bat —zilegi bekit hiperboletxoa errepikatzea— errepikatzearen beldurra da, lehen esana nuena berriro esatearena. Baina, gauza batzuk behin eta berriz esanda ere esan beharrekoak izaten jarraitzen dutela iritzita, uste dut ez dudala barkamena eskatu behar berriro ere gogora ekartzen badut pantailak euskaratzeko ez dela nahikoa euskaraz sortutako ikus-entzunezkoak sustatzea, horretarako itzulpena, dela bikoizketaren dela azpidatzien bidez, ezinbestekoa dela.

Ez baitirudi hori oso kontuan hartzen denik. Horren adibide izan zen ETB1eko Eztabaidan saioan Klaudio Landak Asier Oruesagasti aktoreari Zinema Euskaraz ekimenaren aldarriei buruz asteartean egindako elkarrizketa. Solas hura entzunda, eman behar euskaraz sortutakoa baino ez dela euskal zinema, itzulitakoa ez. Oruesagastik esan zuen aretoetan euskararen gutxieneko presentzia arautuz gero lan asko sortuko litzatekeela aktoreentzat, gidoilarientzat, teknikarientzat... Ez zituen itzultzaileak eta bikoiztaileak aipatu. Buruan ote zituen? Ez zirudien. Eta susmoa dut elkarrizketa ikus-entzun zutenen artean ere gutxik izan zituztela buruan.

Horregatik diot, esaten dudan lehen aldia ez bada ere, azkena ere ez akaso: itzulpenik gabe, jai dago.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©GEJA KUIKEN

«Bildtsez idatzitako lehen nobela ez dadila azkena izan»

Olatz Silva Rodrigo

Bildts dialektoan idatzitako lehenengo eleberria argitaratu du Gerard de Jongek. Nortasunari eta kidego batekoa izateko sentimenduari buruzko liburua da. Tradizio baten lehenengo urratsa egin duela adierazi du.
Haur bat eta haren mentorea, iazko agur festan. ©SOS ARRAZAKERIA

Urretxindorra, bidean lagun

Amaia Jimenez Larrea

Gipuzkoako SOS Arrazakeria elkarteak duela bederatzi urte abiarazi zuen Urretxindorra, gazte migratzaileak eta goi mailako ikasketak egiten ari diren ikasleak elkartzen dituen programa. Zortzi bat bikoterekin hasi ziren proiektu pilotuan, eta ia berrogei dira aurten.

Jorge Ribera Eguzki irratiko esataria, artxiboko irudi batean. ©JAIZKI FONTANEDA / FOKU

Eguzkik dio lege berriak ez diela lizentziarik bermatzen irrati libreei

Urtzi Urkizu

Hala ere, Iruñeko Eguzki irratiak lizentzia eskaera egingo du. Uste du lege berriaz ezin dela fidatu

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...