Albistea entzun

EKOGRAFIAK

Ikusgarriak

Amaia Garcia -

2022ko apirilak 26

Gaurko eguna aitzakia hartuta, nire lagun lesbianekin telesailez hitz egin dut zutabea idatzi baino lehen. Guztiei galdera bera egin diet: lesbianak agertzen diren telesail bat aukeratu beharko bazenu, zein aukeratuko zenuke? Nire erantzuna argi nuen: The L Word (Movistar Plus) telesailak nire sexualitatearen isla pantaila txikian ikusteko aukera eman zidan lehen aldiz, eta horren antzekorik ez da berriro egin. Nire bikotekideari eta lagunei galdetuz, erantzunak desberdinak izan dira. Nire adineko lagunek The L Word aipatu didate, baina 1996. urtean jaiotako lagunek Orange is The New Black (Netflix) azpimarratu didate, baita Hospital Central ere. Azken horiek aitortu didate The L Word ia ez zutela amaitu. Bitxia egin zait millennial generazioko eta Z belaunaldiko lesbianen artean fikzioan bilatu ditugun erreferentziak desberdinak izatea, baina argi dut erreferentzia gutxi izan ditugula.

Ikusgarritasun lesbikoaren eguna dugu gaurkoa, eta egunaren izenak asko dio lesbianen diskriminazio motaz. Gizarteak ez gaitu ikusten, eta, ikusten bagaitu, heterosexualentzako fantasia gara batzuetan. Emakumeen sexualitatea ezkutatua egon da urte askoan, eta bi emakumek elkar maitatzea askok ez dute ulertzen. Horregatik, fikzioan sortzen diren istorioak ez dute gure errealitatea guztiz islatzen. Topikoz beteriko istorioak egin dira batzuetan. Itxuraz maskulinoagoak izan behar gara eta gure erlazioetan drama une oro dago. Drama armairutik ateratzean eta drama gure bikotekideekin ditugun erlazioetan.

Duela gutxi, Anne + filma ikusi dut Netflixen. Protagonista liburu bat idazten ari da eta lesbianen istorioak kontatzeko istorio alaiak eta positiboak kontatu behar direla aipatzen du. Harekin bat nator: drama alde batera utzi behar dugu, eta lesbianok bizitzen ditugun harreman motak gehiago agertu beharko lirateke fikzioan.

Horrekin ez dut esan nahi gure identitatea sortzean eduki ditugun zalantzak erakusten dituzten fikzioak egin behar ez direnik. Zoritxarrez, diskriminazio egoerak islatzen dituzten telesailak beharrezkoak dira oraindik. Egoera horiek salatzen jarraitu behar da, baina lesbianek ondo pasatu nahi dugu pantailaren aurrean, eta, horregatik, guk bezala bizitzaz gozatzen duten pertsonaiak behar ditugu fikzioan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

Baltsa piratak, portutik Kontxarako bidean. ©JON URBE / FOKU

Donostia abordatu dute piratek ia 200 ontzitan

Hodei Iruretagoiena - Mikel P. Ansa

Itzuli da Aste Nagusi Pirataren ikur bihurtu den ekitaldia, bi urteko etenaren ondoren. Ia berrehun ontzi abiatu dira, 17:00ak jo dutenean. Abordatzeak hogeigarren aldia du aurten.

 ©ANDONI CANELLADA / @FOKU

«Ahituta amaitzen dugu, baina zoriontsu»

Enekoitz Telleria Sarriegi

Klasikoetan klasikoena da Arnoldo izozkitegia Donostian. 1935ean hasi ziren, eta laugarren belaunaldiko kidea da Alustiza: «Hauxe da txikitatik edoski duguna; gure odola da, eta ezin genuen hiltzen utzi».
Mariana Etxegarairen hilobia, Hazparnen (Lapurdi). ©HAZPARNEKO HERRIKO ETXEA

«Kantuan hastean hein bat lotsatua nintzen, baina ahantzia nuen berehala»

Miel A. Elustondo

Julien Vinsoni zor bide zaio bertsolaritzari buruzko aipurik zaharrenetakoa, 1869ko irailean Saran egindako Lore Jokoetakoa. Hantxe dira ageri Jatsuko Piarres Ibarrart 'Bettiri', Azkaineko Mari Luixa Erdozio eta Joanes Etxeto 'Senpereko errienta' koplariak. Usteak ustel, Erdozio ez da salbuespen. Garaian, beste bi emakumezko ere nabarmendu ziren kantuan, Mariana Etxegarai 'Aña Debrua' eta Marie Hargain, bertsolari txapeldunak.
Uribarri Ganboako Garaioko hondartza. ©JAIZKI FONTANEDA / FOKU

Barnealdeko hondartzak

Eider Etxeberria Soria

Uribarri Ganboako urtegia urte osoan bisitatzeko leku aproposa da, uda sasoian batez ere. Garaioko eta Landako hondartzak daude han, eta bainua hartzea baimendurik dago

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...