Albistea entzun

EKOGRAFIAK

Berzigorzen

Amaia Garcia -

2022ko ekainak 16

Berandu nator gai honekin, baina ezin izan dut horren inguruan lehenago idatzi. Amber Hearden eta Johnny Deppen arteko epaiketak hedabide askoren arreta jaso du azken asteetan. Epaiketa egiten ari zen bitartean, sare sozialetan beste epaiketa bat egiten ari zen. Bi epaiketetan, Amber Heardek galdu du. Epaiaren arabera, Heardek difamazioa egin du eta bere bikotekide ohiari dirutza ordaindu beharko dio, nahiz eta Deppek ere Heardi diru kopuru txikiagoa ordaindu beharko dion. Epaiketaren ondoren Depp irabazletzat hartu dute bere jarraitzaileek eta ospatu egin dute. Erreakzio horrek haserrea eragin dit, eta idatzi baino lehen distantzia hartu behar izan dut.

Epaiketan difamazioa epaitzen zela ezin dugu ahaztu, eta Deppek ustez egindako tratu txarrak epaiketatik at geratu dira. Sare sozialetan sortu den bigarren epaiketan, Amber Heard berriro zigortu dute eta denetarik esan diote. Idatzi baino lehen, Twitterren #AmberHeard jarri dut. Bertan, denetarik irakurtzeko aukera izan dut: txio gehienetan Heard gezurtitzat jartzen dute. Txio horiek irakurri ostean, sare soziala itxi behar izan dut.

Deppen zale askok aktorea zuritu dute eta ezin dute sinetsi bere emazte ohiari tratu txarrak emateko gai izan denik.

Kasu horrek Evan Rachel Wooden kasua gogorarazi dit. HBO Maxen ikusgai dagoen Phoenix Rising dokumentalean ondo azaltzen da Marilyn Mansonek zer-nolako indarkeriaz eraso egin zion Evan Rachel Wood. Bere kasua publiko egin zuenetik eta, batez ere, dokumentalaren ondorioz, Mansonen zaleek Rachel Wooden aurka egin dute sare sozialetan.

Bi kasuak desberdinak direla esan daiteke, baina publikoaren erantzuna antzekoa iruditzen zait. Gizon boteretsuaren irudia ezin da ukitu, eta emakumeek gezurra diote nahiz eta jasandako biolentziaren proba desberdinak erakutsi dituzten. #MeToo mugimenduaren aurka egin du Deppek, eta bizi duen egoera mugimendu horri egotzi dio. Deppen eta Hearden arteko gatazkaren istorio horrek dokumental bat egiteko ematen du —Discovery Plus plataforma gaiari eskainitako lan bat ari da prestatzen—.

Hori heldu aurretik, NBC telebista kateak Heardi elkarrizketa egin dio. Aste honetan ari dira ematen, AEBetan. Elkarrizketak ekar dezakeen harrabotsa ikusteko dago, baina epaiketa amaitu bada ere, borrokatzeko gogoa ez zaio falta Heardi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MARISOL RAMIREZ / FOKU

«Surfaren klixeak desegitea oso zaila da»

Enekoitz Telleria Sarriegi

Lopez de Gereñuk bere pasioetako bi uztartu ditu aurreneko aldiz: artea eta surfa. 'Surf Like You Are, Live Like You Surf' erakusketa jarri du Bilboko Itsasmuseumen. Erretratuak paperezko poltsetan egiten ditu.
Aleix Garrido dronearekin grabatzen. ©ALEIX GARRIDO

Hegan egitearen antzekoena?

Unai Etxenausia

Oraindik ere gerretan erabiltzen dira, baina oso bestelakoa da jende askok droneari ematen dion erabilera. Aisialdirako jarduera bat izateaz gain, eguneroko lanaren parte bihurtu da askorentzat. Legedia zorroztu da, eta baimen bereziak eskuratu behar dira arazo barik gidatu ahal izateko.

Toni Collette aktorea, <em>The Power</em> telesailaren irudi batean. Sari nagusia irabazteko hautagaietako bat da Lillen. ©AMAZON

Series Mania jaialdiko edukiak Iparraldean ikusgai, sarean

Urtzi Urkizu

Lillera joan gabe, lehian diren telesailak ikusi ahalko dira plataforma batean. Martxoaren 17tik 24ra egingo dute nazioarteko jaialdia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.