Albistea entzun

EKOGRAFIAK

Belaunaldiak

Amaia Garcia -

2022ko abenduak 6

Azken boladan ikusi ditudan telesailetan emakume gazteak dira protagonista. Istorio desberdinak ikusi ditut eta bakoitzak arazo eta errealitate desberdinak plazaratzen baditu ere, feminismoa oinarrizkoa da guztietan. Ikusi dudan azkena El fin del amor (Prime Video) da, Tamara Tenenbaum idazlearen eleberri batean oinarritutako lana. Autofikzioaren bitartez, Tenenbaumen bizitzan sartzeko aukera eskaintzen digu lan horrek. Buenos Airesen bizi da eta bere familia judu ultraortodoxoa da. Tamarak erlijioa alde batera utzi zuen umea zenean, eta filosofia ikasi zuen. Unibertsitatean eskolak emateaz gain, feminismoaren inguruan idazten du egunkari batean, eta irrati batean atal bat du.

Lagunek eta familiak bere egunerokoan garrantzi handia dute eta egun batetik bestera bere bizitza aldatuko duen erabaki bat hartuko du. Tamara bere bizitzaren norabidea hartzen saiatuko da eta bitartean akatsez beteriko ibilbidea erakutsiko digu. Telesailak feminismoa eta judaismo ultraortodoxoa nahasten ditu modu oso berezi batean. Erlijioa alde batera utzi badu ere, familiaren tradizioek garrantzia handia dute telesailean zehar.

Telesail hori ikusten nuen bitartean, Girls telesailaz gogoratu nintzen. Belaunaldi baten ahotsa izateko asmoa izan zuen Lena Dunhamek sortutako fikzioak, baina hamar urte geroago argi geratu da horretan geratu zela, eta millenial belaunaldiaren ahotsa telesail batean jasotzeko anbizio hura ezerezean geratu zela. Millenial belaunaldia munduarentzat gorrotagarria zen garaian estreinatu zen Dunhamen telesaila, baina Girls-eko pertsonaiek ez zuten irudi hori aldatzeko ezer asko egin. Denak gorrotagarriak ziren eta oso zaila egiten zitzaidan beraien arazoekin enpatia sentitzea.

Girls-ek bide bat egin zuela aitortu behar da, baina gaur egun millenial belaunaldiak bide desberdinak bilatu ditu bere istorioak kontatzeko. Zorionez, istorio berri horiek askoz entretenigarriagoak dira eta enpatia sentitzeko aukera gehiago aurkitu ditut. Horrez gain, Z belaunaldia indarrez datorrela ikusten ari gara Autodefensa bezalako telesailetan. Belaunaldien ahotsa sortzeko nahia desagertu egin da gazteen artean eta ahots desberdinez gozatzeko aukera aparta aurkitzen ari gara pantaila txikiko fikzioetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Altsasun Momotxorroak aterako dira otsailaren 21ean. ©RAUL BOGAJO / FOKU

Baina noiz dira aurten inauteriak?

Edu Lartzanguren

Goiztiarrenak hasita daude, eta azken Maskarada saioa apirilaren 22an egingo dute, Maulen. 'Dantzan.eus' webguneak 2023ko inauterien egutegia paratu du.

Joel Diaz aurkezle eta umorista ©Vilaweb

TV3eko ‘Zona Franca’ kolokan da, aurkezleak saioa utzi eta gero

Urtzi Urkizu

Joel Diaz aurkezleak ez ezik, Magi Garcia umoristak ere laga du saioa. Egunotan ez dira saioa ematen ari. CUPek TV3eko zuzendariaren dimisioa eskatu du.

 ©JAGOBA MANTEROLA / FOKU

«Donostian inauteriak San Sebastian egunean hasten ziren»

Amaia Jimenez Larrea

XIX. mendean Donostiako inauteriak nolakoak ziren azaltzen duen liburu bat atera du Juan Antonio Anterok. 16 urte zituenean izan zuen lehen harremana inauteriekin, eta geroztik ez ditu alde batera utzi.
Inauterietako eguna ospatu dute Iturenen

Udaberriak ekarri duen soinua

Itsaso Jauregi

Inauterietako eguna ospatu dute Iturenen, eta joaldunek eta mozorroek hartu dituzte herriko kaleak. Tradizioari jarraituz, zubietarren eta aurtiztarren joareak elkartu ziren atzo; gaur, iturendarrek bisita itzuliko diete.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.