Albistea entzun

EKOGRAFIAK

'Go!azen' eta 'Goa!zen' artekoak

Juan Luis Zabala -

2021eko ekainak 15

Gaiari buruzko beste albisterik iristen ez den bitartean —iritsiko ahal dira!— Go!azen-en bederatzigarren denboraldia da aurten ETB1en ziurtasun osoz ikusiko dugun euskaraz sortutako telesail bakarra. Zorionez, Go!azen-en denboralditik denboraldira, ostiral gauetan, euskaraz bikoiztutako telesailak eskaintzen ditu ETB1ek, nerabezarora bitarteko publiko zabalarentzat egindakoak, hau da, «familia osoarentzat» direla esanez definitu ohi diren horietakoak. Horiexek dira, hain zuzen ere, Merlí emateari utzi zionetik —laster bi urte eta erdi izango dira— ETBk euskaraz bikoiztuta eskaintzen dituen fikziozko ikus-entzunezko berri bakarrak.

Ikaragarrizko bikaintasunera iritsi gabe ere, ederrak izan dira ETB1ek eskainitako azkeneko telesail bikoiztu horiek, Lars Zonbia, Floorren arauak eta Hardball. Eta joan den ostiralean eskaintzen hasitakoa, Sorgin baldarra, antzeko mailakoa izango dela dirudi, tarte atsegin baterako lagungarri izango dugula. Gizakien berdintasunaren aldeko eta xenofobiaren aurkako aldarri dibertigarria izan zen Lars Zonbia, pertsonaia nagusia, atzerritarra izan beharrean, bosgarren solairutik erori ondoren minik gabe berehala altxatzen zen zonbi prestua baldin bazen ere; Pippi Kaltzaluzeren transgresio neurrietara iritsi gabe, gurasoen munduaren alderdi absurdo ugari utzi zizkigun bistan eta agerian, umorez, Floorren arauak telesailak; Hardball-ek, berriz, ezohiko pertsonaien bidez zipriztindutako istorio arraro eta erakargarriak ezagutzeko aukera; Sorgin baldarra-k Harry Potterrenaren antzeko mundu batera eramango gaituela dirudi... Estimatzeko moduko eskaintzak, beraz, Go!azen eta Go!azen artekoak.

Bikoizketari dagokionez, ezin da ukatu esaldi bakan batzuen itzulpenak oraindik ere artifizialegiak egiten zaizkigula ikus-entzuleoi, baina kontuan hartu beharrekoa da, batetik, zein den egun euskarazko bikoizketaren egoera, eta, bestetik, edozein hizkuntzatako bikoizketa dela artifiziala hiztunentzat hiztun horiek bikoizketara ohitu gabe baldin badaude, eta ez dagoela ohitura bezalakorik bikoizketa —edozein itzulpen mota bezala— jatorrizkoaren pareko naturaltasunez hartzeko eta bereganatzeko. Hau da, bide luzea dagoela egiteko, eginez baino egingo ez den bidea... egiten bada.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.

Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...