Riverak bozetara deitzeko eskatu dio Sanchezi
Mariano Rajoyk bezala, Albert Rivera Ciudadanoseko presidenteak zera leporatu zion Pedro Sanchez PSOEko idazkari nagusiari: subiranisten botoak lortu behar izana zentsura mozioa aurrera ateratzeko. Bide batez, «epe ertainera» hauteskundeetarako data bat adostea proposatu zion presidentegai sozialistari, Rajoyk dimititzen ez badu. «Espainiarrek benetan aukeratzeko beldur al zara?», galdetu zion Ciudadanosekoak. «Hori da demokrazia». Pentsatzen du ezinezkoa dela «22 alderdi politikorekin» gobernatzea. «Espainiaren aro berria ezin dute ez Rufianek, ez Torrak, ez Bilduk ireki». Gobernu berriari «Frankenstein gobernua» deitu dio.
Iruzkinak
Ez dago iruzkinik
Ordenatu