Albistea entzun

Arrauna. Kontxako Bandera

Taldeak asko, faborito gutxi

Lau dira ia hautagai bakarrak: San Juan, Zumaia, Hibaika eta Orio.

11 ontzi ariko dira bi txandatan banatuta, inoiz baino gehiago
San Juango arraunlariak traineruari buelta ematen, atzo arratsaldean, Donostiako portuko arranplan.
San Juango arraunlariak traineruari buelta ematen, atzo arratsaldean, Donostiako portuko arranplan. GORKA RUBIO / ARP

Aitor Manterola -

2015eko irailak 3

Inoiz baino talde gehiago ariko dira lehian emakumezkoen sailkatze estropadan (17:30). Zain dauzkate hurrengo bi igandeak gaurko lau azkarrenek, Kontxako Bandera irabazteko borrokan. 11 taldek eman dute izena, eta bi multzotan banatu dituzte. A-n bildu dituzte San Juan, Zumaia, Hibaika, Orio, Zarautz-Getaria eta Cabo. B multzoan daude gainerakoak: Donostia-Arraun, Hernani, Oiartzun, Colindres eta Chapela.

Esan beharrik ez dago A multzotik aterako direla lau sailkatuak, eta, gehiago zehazten hasita, seikote horretatik lau dira faboritoak: San Juan, Zumaia, Hibaika eta Orio. Euskotren ligan aritu direnak, hain zuzen ere. Zarauztarrak edo Cabokoak sailkatzeko, akats larriren bat egin beharko lukete lau faboritoek, eta ez du ematen egingo dutenik. Ezuste handia litzateke lau handienetako bat ez sartzea.

Hala ere, dabiltzala kontuz. Iazko esperientzia gogoan izango du San Juanek, esaterako. Laugarren egin zuen, eta segundo alea baino ez zion atera Cabori; gero, galiziarrei hamar segundoko zigorra ezarri zieten epaileek, eta susto hutsean geratu zen pasaitarrena. Cabo aipatuta, bera izan daiteke laukotetik gertu ibil daitekeena, baina, horretarako, uda hasieran eman zuen maila baino hobea eman beharko du. Pasaian lehiatu zen hemengoen aurka, eta Oriok, laugarren sailkatuak egun hartan, pusketa atera zion.

Beste gainontzean, nabarmentzekoa da talde batzuen debuta izango dela Kontxako estropadan. Donostia-Arraun, Hernani, Oiartzun eta Colindres aurreneko aldiz lehiatuko dira. Bistan da aukera gutxi dituztela sailkatzeko.

Bi multzotan banatuta

11 traineru izatea marka bada, gauza bera esan behar da estropadaren aurtengo antolaketaz. Izan ere, aurreneko aldiz banatu dituzte emakumezkoen taldeak bi multzotan. Orain arte, denak batera botatzen zituzten, minutuko tartearekin. Maila ezberdintasun handia dago talde batzuen eta besteen artean, eta elkarri enbarazurik ez egiteko erabaki zuzena da multzotan banatzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Oso garai politean bizi naiz orain; gozatzen ari naiz»

Julen Etxeberria

Hirugarrenez jarraian ordezkatuko du Mariezkurrena, eta hirugarrenez irabazi nahi du Peñarekin. Haren ustez, enpresari erakutsi dio «kontuan hartu» behar dutela.
Joseba Ezkurdia, pilota jotzen, azkeneko partidan. ©ARITZ LOIOLA / FOKU

Ezkurdia-Martija eta Jaka-Aranguren aukerarik gabe gera daitezke asteburuan

Julen Etxeberria

Aspekoek hiru garaipenera dute kanporaketa, eta Baikokoek, laura. Nafarrek gaur jokatuko dute, Urrutikoetxea-Albisuren aurka, Zornotzan

Mathieu van der Poel eta Wout van Aert, lehian, Benidormen jokatutako Munduko Kopako proban. ©MORELL / EFE

Gaurtik igandera jokatuko da ziklo-kroseko Munduko Txapelketa

Eñaut Agirrebengoa

Gaurtik igandera jokatuko da ziklo-kroseko Munduko Txapelketa, Hoogerheiden (Herbehereak). Gizonezkoen proban, Van der Poelen eta Van Aerten arteko beste borroka handi bat espero da. Iazko txapelduna, Pidcock, ez da lehiatuko.

 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Aitor Manterola

Informazio osagarria

Iruzkinak kargatzen...