Pinu beldarraren aurkako tratatzea hasiko du Bizkaiak

Bizkaiko koniferoen %7ri eragiten die pinu beldarrak, batik bat intsinis pinuei. Foru Aldundiak aste honetan iragarri du haren aurkako tratatzea jarriko duela abian. 4.700 hektareari egingo die kontrol fitosanitarioa, jabe pribatuenak direnen azalerei nahiz erakunde publikoen esku daudenei. Hasieran, larbak sortu berri direnez, aire bidez egingo da tratatzea, eta neguan, zuzenean. Urtero 250.000 euro inguru erabiltzen ditu diputazioak pinu beldarrari aurre egiteko.