EKOGRAFIAK

Elefanteen hilerria

Miren Manias -

2020ko maiatzak 13

ETB1eko Ahoz aho (16:00) saioak ez du jarraituko. Hala adierazi zuen aurkezleetako batek astelehenean, haren sare sozialak erabilita. Proiektu berri bat prestatzen ari dira arratsaldeetarako, Gure kasa (ETB1) ekoizten duten lagunekin batera. Tarte berria elkarrizketa saio bat izango da, Ilaski Serranok aurkeztuta. Ez dakigu zein maiztasunekin egingo den, ezta non eta zenbat baliabiderekin ekoiztuko duten ere, baina estreinaldia datorren astelehenean izango da. Hilaren 18an, hain zuzen ere.

Martxoaren 20an eman zuten Ahoz aho-ren azken atala. Koronabirusaren krisialdian «ezin izan dute» euskarazko saioarekin «jarraitu». Arrazoia, ordea, ezezaguna da. Bestela, euskal audientziak ez luke galdetu beharrik izango zergatik, ia ordu berean eta gaztelerazko katean, bai jarraitu ahal izan duen ETBk gaurkotasunari lotutako Qué me estás contando (17:15-19:30) magazinarekin.

Ahoz aho saioari dagokionez, erakunde publikoaren aurpegia garbitzeko programa merkea baino ez zen. Beste saio batzuen aldean, ia sosik ere kostatzen ez zitzaiena: 5.700 euro atal bakoitzeko. Ordutegiz aldatzeko ere ez zuten inolako erreparorik izan, ezta audientziarekiko begirunerik ere. ETB2ko arratsaldeetan, berriz, inbertsio ekonomikoa bestelakoa da. Egunotan etengabe ikusi ditugu zuzeneko konexioak, eta kalean mila gauza egiten zituzten konfinamenduaren aurretik. Ahoz aho-n, bitartean, eduki ia gehiena platotik egiten zuten —kolaboratzaileen zerrenda luze eta dotorearen laguntzarekin, bidenabar—. Saioaren jarraitzaileek ez dute ahaztuko Hondarribiko arraunlari batekin konexioa egiteko telefonoz egin behar izan zutela behin, haren argazki batekin, Himalaian balego bezala. Krisialdi honek zerbait erakutsi badu, telebistan Skypez solasaldi txukunak egin daitezkeela da. Atera kontuak.

ETB1 abandonatuta dago —ikusle kuotaren minimo historikoa horren isla da— eta, panorama hori ikusita, zaila egiten zait ulertzea etxe barneko inork ezer ez esatea. Zuzendaritzak, administrazio kontseiluak, bertako langile egonkorrek... Konfinamenduaren ostekoan itxaropena zuenak, saio berriak sorpresarik eman ezean, esango nuke jai daukala. ETB1ekiko axolagabekeria agerikoa da. Eta barkatu ene espresioa, baina elefanteen hilerri bihurtu dute.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Gasteizko zahar etxe bateko egoiliar bat bisita jasotzen. ©David Aguilar/EFE

Arabako eta Gipuzkoako zahar etxeetako hamar langilek positibo eman dute

Berria

Gainerako langileei eta egoiliarrei probak egin dizkiete, eta ez da kasu gehiago atzeman oraingoz.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak desberdintasunak sakondu dituela dio Emakunderen txosten batek

Maddi Ane Txoperena Iribarren

Gizon eta emakumeen osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Emmanuel Macron Miarritzen (Lapurdi), artxiboko irudian. ©Bob Edme

Zaintza langileentzako sari bat hitzeman du Macronek

Oihana Teyseyre Koskarat

Adinekoez eta elbarrituez arduratzen diren zaintzaileek 1.000 euroko «COVID saria» jasoko dute. Frantziako Estatuak 80 milioi euroko diru laguntza emanen die departamenduei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna