Albistea entzun

IRLEN SAREA

Kooperatibismo digitala

Gorka Julio -

2020ko azaroak 21

Kooperatibismoa da eraldatzeko gaitasuna eta erresilentzia hobekien uztartzen dituen egitura sozioekonomikoa. Garai berrietara moldatzeko eta egokitzeko gaitasun izugarria izan du eta dauka. Dena kooperatibizatu daitekeela tematuta dago mugimendua. Eta azkenaldian joera berriak ari dira sortzen, asko teknologiari lotutakoak.

Plataforma kooperatibistek, enpresa teknologiko handiek egin ohi dutena elkarlanean eta kooperatiba forman eginez, enpresa langileen eta erabiltzaileen esku jar daitekeela frogatzen dute; kooperatibismo irekiak, kooperatibismoa jende gehiagorengana iritsi eta teknologiaren laguntzaz beharrak eskala handietan kolektiboki asetu daitezkeela proposatzen du. Orain, DisCO (disco.coop) kooperatibismo banatuaren aldeko mugimendua ere agertu da. Horiek ondo azaltzeko, DAOak zer diren azaldu behar da lehenik. DAOak, blockchainean oinarrituta modu autonomoan funtziona dezaketen entitateak dira. Ordainketak gauzatzeko, zigorrak kobratzeko, baldintza eta kontratuak betearazteko gizakien gutxieneko elkarrekintzan oinarritzen dira horretarako. Batzuek jarrera espekulatibo eta tekno-deterministak hauspotzen bukatzen dute.

DisCOak, aldiz, elkarlanean oinarritutako, komunera bideratuta, ekonomia feministan errotuta dauden moduetan lan egiten duten eredu kooperatiboak dira. DAO teknologiaren alde onenak erabiltzea proposatzen dute, baina jendarte eta ingurumena ardatz duten, lurraldean errotutako eta nazioz gaindi saretutako kooperatibak sortzera bideratuz. DisCOek elkarlaguntza, kooperatibismoa eta zaintza lanak lehenestea dute helburu, jarrera baztertzaileak eta tekno-deterministak saihestuz. DisCO manifestuan jasotzen dituzte beren printzipioak eta kooperatibismoarenak eguneratuz.

Ekonomia Sozial Eraldatzailearen mugimenduak kooperatibismo forma zahar eta berriak eraldaketa sozioekonomikoaren perspektiban hibridatzea lortu nahi du. Munduan kontsumora bideratuago egon da kooperatibismoaren bilakaera. Euskal Herrian, berriz, lan kooperatibek, erdigunean jartzen duten lanaren burujabetza mantenduz, teknologiaren erabilera inteligentea egiten duten eredu kooperatiboek aukera berriak jende gehiagorentzat ireki ditzaketela frogatu beharko dute orain.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jaurlaritzako, Euskal Wikilarien Kultura Elkarteko eta EHUko ordezkariak, Ikusgelaren aurkezpenean, atzo, Donostian. ©JON URBE / FOKU

Martxan da Ikusgela, euskarazko bideo pedagogikoen ataria

Amaia Jimenez Larrea

Euskal Wikilarien Elkarteak filosofiako, ekonomiako eta euskal literaturako bideoak egingo ditu

Juan Mari Arzak, BCCren ohorezko oroigarria hartuta, eta sukaldariz eta ikaslez inguratuta, atzo. ©MAIALEN ANDRES / FOKU

Arzak patroia, Arzak maisua

Enekoitz Telleria Sarriegi

BCC Basque Culinary Centerreko ohorezko patronatukide izendatu dute Juan Mari Arzak. Haren ekarpena eskertu dute, eta bere ezagutza partekatzeko izan duen eskuzabaltasuna goratu.

 ©BERRIA

Ohiko albisteetatik ihesi

Iker Tubia

Reuters institutuaren arabera, geroz eta jende gehiagok erabakitzen du gaurkotasuna albo batera uztea. Eragin psikologikoa, nekea, konfiantza falta eta ezintasun sentsazioa aipatu dituzte albisteetatik deskonektatu direnek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...